జబర్దస్త్ కమెడియన్స్ సుడిగాలి సుధీర్, గెటప్ శీను, ఆటో రాంప్రసాద్ హీరోలుగా నటించిన కామెడీ ఎంటర్ టైనర్ మూవీ ‘త్రీ మంకీస్’ మూవీ ట్రైలర్ను విడుదల చేశారు హాస్యబ్రహ్మ బ్రహ్మానందం. రిపబ్లిక్ డే కానుకగా ఈ మూవీ ట్రైలర్ను ఆదివారం నాడు బ్రహ్మానందం చేతుల మీదిగా విడుదల చేసింది చిత్ర యూనిట్. కారుణ్య చౌదరి హీరోయిన్గా నటించిన ఈ చిత్రాన్ని ఓరుగల్లు సినీ క్రియేషన్స్ పతాకంపై అనిల్ కుమార్ జి.దర్శకత్వంలో నగేష్ జి. నిర్మించారు. తాజాగా విడుదలైన ట్రైలర్ ఆద్యంతం ఆకట్టుకునేలా ఉంది. ‘ఈ ప్రపంచంలో మనం ఎప్పుడు ఎక్కడ ఎందుకు కలుస్తామో తెలియదు.. ఆ పైవాడికి తప్ప. మనం ఎంచుకున్న బాట.. ఆ విధి ఆడించే ఆట’ అనే వాయిస్ ఓవర్తో ఫణి,ఆనంద్, సంతోష్ అనే ముగ్గురు యువకుల బాల్యంతో ట్రైలర్ను మొదలుపెట్టారు. ఇందులో ఫణిగా గెటప్ శీను, ఆనంద్గా రాంప్రసాద్, సంతోష్గా గెటప్ శీనులు నటించారు. రెండు నిమిషాలు నిడివితో ఉన్న ఈ ట్రైలర్లో ఫన్ అండ్ రొమాన్స్తో పాటు ఎమోషనల్ టచ్ కూడా ఇచ్చారు. ఓ పాప లైఫ్ కోసం ఈ ‘త్రీ మంకీస్’ ఏం చేశారన్న కథాంశంతో చిత్రాన్ని రూపొందించినట్టుగా ట్రైలర్తో క్లారిటీ ఇచ్చారు. ఇందులో మాటలేనా మ్యాటర్ ఏమైనా ఉందా?? రా రాజా ఆడుకుందాం.. అంటూ కారుణ్య చౌదరి హాట్ అందాలతో కవ్వించమే కాకుండా త్రీ మంకీస్ని భయపెట్టి థ్రిల్లర్ని చూపిస్తోంది. పాపం సుడిగాలి సుధీర్ అందులో వీక్ అంటూ షకలక శంకర్ ఏదో కొత్త వ్యాధిపేరు చెప్తున్నారు అదేంటో తాజా ట్రైలర్లో మీరు చూడిండి.
from Telugu Movie News | Movie News in Telugu | Movie Gossips in Telugu https://ift.tt/2GmJk1i
v
No comments:
Post a Comment