మామా అల్లుళ్లు వెంకటేష్, నాగ చైతన్యలు సంక్రాంతి ముందే ‘’ చిత్రంలో హిట్ కొట్టారు. బాబీ డైరెక్షన్లో వచ్చిన ‘వెంకీ మామా’ డిసెంబర్ 12న విడుదలై పాజిటివ్ టాక్తో బాక్సాఫీస్ వద్ద డీసెంట్ కలెక్షన్స్ ను సాధిస్తోంది. తొలిరోజు రూ. 16.5 కోట్లు సాధించి వెంకీ, నాగచైతన్య కెరియర్లో బెస్ట్ ఓపెనింగ్ రాబట్టింది. ఇక మూడో రోజు కలెక్షన్లు మరింత పుంజుకుని ప్రపంచవ్యాప్తంగా రూ. 45 కోట్ల గ్రాస్ రికార్డ్ కలెక్షన్లు సాధించింది. మూడు రోజుల్లో రూ. 17.50 కోట్ల రూపాయల షేర్ వసూళ్లు రాబట్టి బాక్సాఫీస్ను షేక్ చేస్తుంది వెంకీ మామ. వచ్చే శుక్రవారం వరకూ థియేటర్స్లో పెద్ద సినిమాలు లేకపోవడంతో.. వెంకీ మామ హౌస్ ఫుల్ కలెక్షన్లతో వీరకుమ్మడు కుమ్మేస్తున్నాడు. రియల్ లైఫ్ మామా అల్లుళ్లు వెంకీ, చైతూలు తొలిసారిగా రీల్ లైఫ్లోనూ మామా అల్లుళ్లుగా నటించటంతో దగ్గుబాటి, అక్కినేని అభిమానులు థియేటర్స్కి క్యూ కడుతున్నారు. ఇక ఫ్యామిలీ ఆడియన్స్ దగ్గరయ్యే ఎమోషన్స్, కామెడీ ఈ చిత్రంలో మెండుగా ఉండటంతో వెంకీ మామకు మౌత్ టాక్ బాగుంది. దీంతో ఆక్యుపెన్సీ పెంచుకుని బాక్సాఫీస్ వద్ద సత్తా చాటుతోంది వెంకీమామ. ఈ చిత్రంలో వెంకీకి జోడీగా పాయల్ రాజ్పుత్ నటించగా, నాగచైతన్య సరసన రాశీఖన్నా హీరోయిన్గా నటించింది. సురేష్ బాబు, టీవీ విశ్వప్రసాద్లు సంయుక్తంగా సుమారు రూ. 40 కోట్ల బడ్జెట్తో ఈ చిత్రాన్ని నిర్మించారు. బాబీ (కేయస్ రవీంద్ర) దర్శకత్వం వహించిన ఈ చిత్రానికి తమన్ మ్యూజిక్ అందించారు.
from Telugu Movie News | Movie News in Telugu | Movie Gossips in Telugu https://ift.tt/2syuFg0
v
No comments:
Post a Comment