దిశను చంపేసిన రేపిస్ట్లను సీపీ సజ్జనార్ ఆధ్వర్యంలో తెలంగాణ పోలీసులు ఎన్కౌంటర్ చేసిన సంగతి తెలిసిందే. ఈనేపథ్యంలో సినిమాల్లో పోలీస్ గెటప్స్ వేసిన హీరోలు చెప్పే డైలాగులు సోషల్ మీడియాలో వైరల్ అవుతున్నాయి. యంగ్ టైగర్ ఎన్టీఆర్ నటించిన ‘టెంపర్’ సినిమాను హిందీలో ‘సింబా’ టైటిల్తో రీమేక్ చేసిన సంగతి తెలిసిందే. రణ్వీర్ సింగ్, సారా అలీ ఖాన్ ఈ సినిమాలో జంటగా నటించారు. అయితే ఈ సినిమాలో బాలీవుడ్ సూపర్స్టార్ అజయ్ దేవగణ్ పోలీసుగా అతిథి పాత్రలో మెరిశారు. ఈ సినిమాలో కూడా ఆడవాళ్లపై అత్యాచారాలు చేసే నిందితులను ఎలాంటి శిక్షలు వేయాలన్న కాన్సెప్ట్తో తెరకెక్కించారు. అయితే ‘సింబా’ సినిమాలో అజయ్ దేవగణ్.. రణ్వీర్ సింగ్తో చెప్పే డైలాగ్ ఒకటి సోషల్ మీడియాలో తెగ వైరల్ అవుతోంది. ‘ఆడపిల్లను చూడగానే అత్యాచారం చేయాలన్న ఆలోచించే ఎదవలకు ఎలాంటి భయం కలగాలంటే.. ఎలాంటి కేసులు, కోర్టులు లేకుండా స్పాట్లోనే కాల్చి పడేసే తిక్క పోలీసులు కూడా ఉంటారని తెలిసిరావాలి’ అని అంటాడు. ఈ వీడియోను పోస్ట్ చేస్తూ ఓ నెటిజన్.. ‘సింబా సినిమాలో అజయ్ దేవగణ్ సీపీ సజ్జనార్’ అయివుంటారంటూ సరదాగా కామెంట్లు చేస్తున్నారు. దిశ దశదిన కర్మ రోజునే ఆమెను రేప్ చేసి చంపేసిన నిందితులను పోలీసులు ఎన్కౌంటర్లో మట్టుబెట్టారు. ఈరోజు తెల్లవారుజామున 3 గంటల సమయంలో సీన్ రీకంస్ట్రక్షన్ కోసమని నిందితులను ఘటనాస్థలికి తీసుకెళ్లగా.. నిందితులు తప్పించుకునేందుకు పోలీసులపై రాళ్లు రువ్వారట. దాంతో తమ ప్రాణాలను కాపాడుకోవడానికి ఎన్కౌంటర్ చేసినట్లు తెలంగాణ పోలీసులు తెలిపారు. దిశ ఆత్మ ఇప్పుడు ప్రశాంతంగా ఉంటుందంటూ యావత్ భారతదేశం తెలంగాణ పోలీసులను, ప్రభుత్వాన్ని ప్రశంసలతో ముంచెత్తుతోంది.
from Telugu Movie News | Movie News in Telugu | Movie Gossips in Telugu https://ift.tt/38ePihl
v
No comments:
Post a Comment