ఎలాంటి హడావుడి లేకుండా అసలు పవర్స్టార్ పవన్ కళ్యాణ్ కూడా లేకుండా ‘పింక్’ తెలుగు రీమేక్ను లాంచ్ చేసేశారు. రాజకీయాల్లోకి వెళ్లాక పవన్ మళ్లీ సినిమాల్లోకి రారేమోనని అభిమానులు ఎంతో నిరుత్సాహపడ్డారు. కానీ లక్కీగా పవన్ ‘పింక్’ రీమేక్లో నటిస్తానని ఒప్పుకోవడంతో ఫ్యాన్స్ పండుగ చేసుకున్నారు. అలాంటిది పవన్ కళ్యాణ్ నుంచి కానీ సినిమా యూనిట్ సభ్యుల నుంచి కానీ ఎలాంటి ప్రచారం లేదు. ఈ విషయం అటుంచితే.. సినిమాకు మ్యూజిక్ డైరెక్టర్ తమన్ సంగీతం అందిస్తున్నారట. ఇప్పటికే పవన్ కోసం ఓ రాకింగ్ ట్యూన్ని కంపోజ్ చేసినట్లు టాలీవుడ్ వర్గాల సమాచారం. పవన్ సినిమాకు తమన్ తొలిసారి ట్యూన్స్ అందించబోతున్నారు. కాబట్టి పవన్ సినిమాకు ఉర్రూతలూగించే మ్యూజిక్ అందిస్తారని ఫ్యాన్స్ ఆశిస్తున్నారు. అయితే హీరోయిన్తో రొమాన్స్లకు, వారి మధ్య వచ్చే పాటలకు, డ్యాన్స్లకు ఆస్కారం లేని సినిమా కాబట్టి పవన్ స్టైల్కు కథ మూడ్కు తగ్గట్టుగా సరిపోయే పాటను తమన్ కంపోజ్ చేశారట. అదీకాకుండా ‘అల వైకుంఠపురంలో’ సినిమాకు తమన్ అందించిన మ్యూజిక్ ప్రేక్షకులను ఏ రేంజ్లో మెస్మరైజ్ చేసిందో తెలిసిందే. అందుకే ‘పింక్’ రీమేక్కు కూడా తమన్ ఏదో మాయ చేస్తాడన్న అంచనాలు ఉన్నాయి. హిందీలో బ్లాక్ బస్టర్ విజయం అందుకున్న ‘పింక్’ సినిమాను తెలుగులో రీమేక్ చేస్తున్నారు. హిందీలో అమితాబ్ బచ్చన్ ప్రధాన పాత్రలో నటించారు. నలుగురు మహిళలపై అత్యాచారం జరిగితే వారికి న్యాయం చేయడానికి ఓ న్యాయవాది ఏం చేశాడు అన్నదే ఈ సినిమా కథ. ‘పింక్’ను తమిళంలో ‘నేర్కొండ పార్వాయ్’ టైటిల్తో రీమేక్ చేశారు. అందులో అజిత్ ప్రధాన పాత్రలో నటించారు. సినిమా మంచి విజయం అందుకుంది. తెలుగులోనూ వర్కవుట్ అవుతుందని భావించి పవన్ కళ్యాణ్ను ఎంపిక చేశారు. వేణు శ్రీరామ్ సినిమాను డైరెక్ట్ చేస్తారు. బోనీ కపూర్, దిల్ రాజు సంయుక్తంగా సినిమాను నిర్మిస్తున్నారు. See Photo Story:
from Telugu Movie News | Movie News in Telugu | Movie Gossips in Telugu https://ift.tt/2RKE3aC
v
No comments:
Post a Comment