భావ ప్రకటనా స్వేచ్ఛను విచ్చలవిడిగా ఉపయోగించుకోవడానికి మనకి సరైన వేదిక సోషల్ మీడియా. ఎక్కడి నుంచైనా ఎప్పుడైనా సోషల్ మీడియా ద్వారా మనం తిట్టాలనుకున్నవాళ్లను తిట్టేయొచ్చు.. పొగడాలనుకున్నవాళ్లని పొగిడేయొచ్చు. కాకపోతే, అవతలి వాళ్లు సైబర్ క్రైమ్ పోలీసులకు ఫిర్యాదు చేస్తేనే చిక్కులు వచ్చి పడతాయి. కానీ, వివాదాస్పద నటి శ్రీరెడ్డికి ఆ భయంలేదు. నన్నెవరూ ఏమీ చేయలేరు అనే ధైర్యం ఆమెది. అందుకే, చెన్నైలో ఉంటూ ఏపీ, తెలంగాణలో ఉన్న రాజకీయ, సినీ ప్రముఖులపై సోషల్ మీడియా ద్వారా విరుచుకుపడుతూ ఉంటుందామె. ఆమెపై పోలీసులకు ఫిర్యాదు చేస్తే బురదలో రాయేసినట్టేనని తిట్టించుకుంటున్నవారు కూడా సైలెంట్గా ఉండిపోతున్నారు. కాకపోతే, వాళ్ల ఫ్యాన్స్ వకాల్తా పుచ్చుకుని పోరాడుతున్నారనుకోండి. అయినప్పటికీ శ్రీరెడ్డి మరింత రెచ్చిపోతోంది తప్ప వెనక్కి తగ్గట్లేదు. తాజాగా ఆమె తన ఫేస్బుక్ పేజ్లో లైవ్ వీడియో చేసింది. సుమారు 20 నిమిషాల పాటు చేసిన ఈ లైవ్లో మరోసారి ఎప్పటిలానే తనకు సంబంధంలేని రాజకీయాల్లో తలదూర్చి ముఖ్యమంత్రి జగన్ మోహన్ రెడ్డిని పొగుడుతూ.. ఆయన్ని విమర్శిస్తున్న వారిని తిడుతూ వేడి పుట్టించింది. ఈ లైవ్ వీడియోలో శ్రీరెడ్డి చాలా పచ్చిగా బూతులు మాట్లాడేసింది. జగన్ పాలన అద్భుతంగా ఉందని, ఆయన గురించి మాట్లాడేటప్పుడు నోరు దగ్గర పెట్టుకోవాలని హెచ్చరించింది. తన తండ్రి వారసత్వాన్ని అందిపుచ్చుకున్న నేత జగన్ అని శ్రీరెడ్డి చెప్పింది. ఒక మంచి మనిషి, మంచి ఆలోచనలు ఉన్న వ్యక్తి రాజకీయాల్లోకి వచ్చి సేవ చేస్తున్నారని వెల్లడించింది. అంతకు ముందుతో పోలిస్తే జగన్లో చాలా పరిక్వత వచ్చిందని పేర్కొంది. ఎంతో గొప్పగా పాలన కొనసాగిస్తోన్న జగన్కు చాలా మంది అడ్డంగా వస్తున్నారని.. వాళ్లకు అసలు సిగ్గులేదా అని శ్రీరెడ్డి ప్రశ్నించింది. ఇక ఈ వీడియోలో శ్రీరెడ్డి ప్రధానంగా టార్గెట్ చేసింది జనసేన అధినేత పవన్ కళ్యాణ్ని. ఆయన్ని శ్రీరెడ్డి ఇష్టమొచ్చినట్టు తిట్టేసింది. అలాంటి పదాలను రాయలేం కూడా. అందుకే, మీరే ఆమె ఫేస్బుక్ పేజ్లో చూడండి.
from Telugu Movie News | Movie News in Telugu | Movie Gossips in Telugu https://ift.tt/38GpScO
v
No comments:
Post a Comment