‘‘మా నాన్న చనిపోతే.. కూతుర్ని బ్యూటీ పార్లర్‌కు పంపా’’

సినీ పరిశ్రమలో సెలబ్రిటీల కంటే వారి పిల్లలపైనే అందరి కళ్లు ఉంటాయి. వారు ఎలాంటి దుస్తులు వేసుకుంటున్నారు, ఎలా ప్రవర్తిస్తున్నారు, ఎవరెవరితో మాట్లాడుతున్నారు.. ఇలా వారికి సంబంధించిన ప్రతీ విషయం ఎప్పటికప్పుడు ట్రెండ్ అవుతూనే ఉంటుంది. అయితే కొందరు సెలబ్రిటీల పిల్లలు మాత్రం మీడియా వల్ల చాలా ఇబ్బందులు పడుతున్నారు. వారిలో ప్రముఖ బాలీవుడ్ నటులు కాజోల్, అజయ్ దేవగణ్‌ల కూతురు నైసా దేవగణ్‌ ఒకరు. నైసా వయసు 14 ఏళ్లే. కానీ చూడటానికి 20 ఏళ్ల అమ్మాయిగా కనిపిస్తుంది. అదీకాకుండా ఆమె కనిపించే విధానం, వేసుకునే దుస్తులపై సోషల్ మీడియాలో ఎన్నో ట్రోల్స్ వచ్చాయి. నీచమైన కామెంట్స్ చేసినవారూ ఉన్నారు. వాటి గురించి తాజాగా ఓ ఇంటర్వ్యూలో మాట్లాడారు. ‘ట్రోల్స్ చేసే వారికి అసలు సందర్భం ఏంటో కూడా తెలీదు. మా నాన్న చనిపోయినప్పుడు నైసా బ్యూటీ పార్లర్‌కు వెళ్లింది. తనను పార్లర్‌కు పంపింది నేనే. ఎందుకంటే తాతగారు చనిపోయారని నైసా ఉదయం నుంచి ఏడుస్తూనే ఉంది. నేను చూసి తట్టుకోలేకపోయాను. దాంతో బయటికి వెళ్లి ఏదన్నా తిని రమ్మని చెప్పాను. అలాగైతే కాస్త మూడు మారుతుందేమోనని అలా చెప్పాను. ఎక్కడికి వెళ్లాలో నైసాకు అర్థంకాలేదు. దాంతో బ్యూటీ పార్లర్‌కు వెళ్లి హెయిర్ వాష్ చేయించుకు రమ్మని చెప్పాను. తను వెళ్లింది. అయితే అప్పటికే బయట మీడియా వాళ్లు ఎప్పుడెప్పుడు ఫొటోలు తీయాలా అని ఎదురుచూస్తున్నారు’ ‘ పార్లర్ నుంచి బయటికి రాగానే టకటకా ఫొటోలు తీసేశారు. దాంతో నా కూతురు ఇంటికి వచ్చి ఏడ్చేసింది. అప్పటికే ఫొటోలు సోషల్ మీడియాలో వైరల్ అయిపోయాయి. తాతయ్య చనిపోతే పార్లర్‌కి వెళ్లింది అంటూ కామెంట్స్ పెట్టేశారు. వారికి నా కూతురిని అనే హక్కు ఎవరు ఇచ్చారు. తాతయ్య చనిపోయిన బాధలో తను ఉంటే కాస్త ఊరట చెందుతుందని నేనే తనను బయటికి పంపాను. కానీ నెటిజన్స్‌కు సందర్భం ఏంటో తెలీక నోటికొచ్చిన కామెంట్స్ చేశారు. పది, పదిహేనేళ్ల వయసున్న పిల్లలపై ఇలాంటి సోషల్ మీడియా కామెంట్స్ తీవ్రంగా ప్రభావం చూపుతాయి’ అని తెలిపారు.

from Telugu Movie News | Movie News in Telugu | Movie Gossips in Telugu https://ift.tt/2ENonMi
v