సినీ నటి, తమిళనాడు దివంగత ముఖ్యమంత్రి జయలలిత జీవితం ఆధారంగా బయోపిక్లు రాబోతోన్న విషయం తెలిసిందే. ఓవైపు ‘తలైవి’.. మరోవైపు ‘ఐరన్ లేడీ’గా జయలలిత బయోపిక్లను నిర్మిస్తుంటే.. మధ్యలో ‘క్వీన్’గా ఒక వెబ్ సిరీస్ను తీసుకొచ్చేస్తు్న్నారు. ఇప్పటికే షూటింగ్ పూర్తిచేసుకుని నిర్మాణాంతర కార్యక్రమాలు జరుపుకుంటోన్న ‘క్వీన్’ డిసెంబర్ 14 నుంచి ఎంఎక్స్ ప్లేయర్లో ప్రసారానికి సిద్ధమవుతోంది. ‘క్వీన్’లో జయలలిత పాత్రను ప్రముఖ నటి రమ్యకృష్ణ పోషించడంతో అంచనాలు భారీగా ఉన్నాయి. ఇప్పటికే విడుదలైన పోస్టర్, టీజర్ ఈ సిరీస్పై అంచనాలను పెంచాయి. అయితే, తాజాగా విడుదలైన ట్రైలర్ ఆ అంచనాలను రెట్టింపు చేస్తోంది. ట్రైలర్ను అంత బాగా కట్ చేశారు మరి. జయలలిత స్కూలుకు వెళ్లే వయసు నుంచి ఆమె రాజకీయాల్లో రాణిగా ఎదిగిన తీరు వరకు మొత్తం ఈ సిరీస్లో చూపించనున్నారు. స్కూలు, సినిమా, రాజకీయం ఇలా మూడు దశల్లో జయలలిత జీవిత కథను ఆవిష్కరిస్తున్నారు. Also Read: ఈ మూడు దశల్లో ముగ్గురు నటీమణులను తీసుకున్నారు. రాజకీయ నాయకురాలిగా జయలలిత పాత్రలో రమ్యకృష్ణ నటించారు. ట్రైలర్ చూస్తుంటే ఆ పాత్రలో ఆమె ఒదిగిపోయారని అర్థమవుతోంది. సోషల్ మీడియాలో సైతం రమ్యకృష్ణపై ప్రశంసల వర్షం కురుస్తోంది. ఇందులో రమ్యకృష్ణ పేరు శక్తి శేషాద్రి. జయలలిత చిన్న నాటి పాత్రలో ‘విశ్వాసం’ ఫేమ్ అనిఖ ఆకట్టుకుంది. ఈ వెబ్ సిరీస్కు ఇద్దరు దర్శకులు. గౌతమ్ వాసుదేవ్ మీనన్, ప్రసాద్ మురుగేశన్ దర్శకత్వం వహించారు. కాగా, ఏఎల్ విజయ్ దర్శకత్వంలోని ‘తలైవి’ సినిమా టీజర్ను విడుదల చేశారు. ఈ టీజర్లో జయలలితగా కంగనా రనౌత్ మేకప్ చూసి తమిళ ప్రేక్షకులు పెదవి విరిచారు. ప్రోతెస్టిక్ మేకప్ మరీ ఓవర్ అయ్యిందని, కంగనా అస్సలు సూట్ కాలేదని విమర్శలు చేశారు. ఇప్పుడు ‘క్వీన్’ ట్రైలర్ రావడంతో అప్పుడే కంగనా, రమ్యకృష్ణలకు పోలిక పెట్టేస్తున్నారు. కంగనా కంటే రమ్యకృష్ణ చాలా బాగా సరిపోయారని, హుందాగా ఉన్నారని అంటున్నారు. ఇదిలా ఉంటే, ‘ఐరన్ లేడీ’లో జయలలితగా నిత్యా మీనన్ నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/369OUiC
v
No comments:
Post a Comment