ఆంధ్రప్రదేశ్లో రాజధాని సెగ.. పొగలు కక్కుతోంది. ఏపీ సీఎం జగన్ మూడు రాజధానుల నిర్ణయంపై అమరావతి రైతులు భగ్గుమంటే.. విశాఖ, కర్నూల్లు వాసులు జగన్ నిర్ణయంపై హర్షం వ్యక్తం చేస్తున్నారు. ఇక ఏపీలోని ప్రతిపక్ష తెలుగుదేశం పార్టీతో పాటు.. జనసేన పార్టీ జగన్ నిర్ణయాన్ని తప్పుపడుతున్నాయి. జనసేన అధినేత ట్విట్టర్ వేదికగా జగన్ నిర్ణయాన్ని తప్పుపడుతూ ఎప్పటిలాగే ట్విట్టర్ వేదికగా జగన్పై విమర్శలు గుప్పించారు. అమరావతిలో పరిపాలన ఇంకా పూర్తిగా కుదురుకోలేదు. వేల మంది ఉద్యోగులు, వారి కుటుంబాలు ఇప్పుడిప్పుడే రాజధాని ప్రాంతానికి అలవాటుపడుతున్నారు. వారి పిల్లల్లు కూడా రాజధాని ప్రాంతంలో విద్యాలయాల్లో చేరారు. వాళ్ళని మళ్ళీ ఎగ్జిక్యూటివ్ రాజధాని అని మరోచోటికి వెళ్లిపోమంటే ఎలా? రాజధాని మార్పు అంటే ఆఫీసు ఒక చోటు నుంచి మరో చోటుకు మార్చడం కాదు. కొన్ని వేల జీవితాలను బలవంతంగా తరలించడమే. వారికయ్యే వ్యయప్రయాసలకి బాధ్యత ఎవరు తీసుకుంటారు. సీజన్లో ,కొల్లేరుకి కొంగలు వచ్చినట్లుగా- సంవత్సరానికి మూడు సార్లు ఎమ్మెలేలు లెజిస్లేటివ్ రాజధానికి వాలి వెళ్ళాలన్నమాట. మూడు సీజన్లలో అమరావతికి వచ్చి సభ నడిపి ఆ తరవాత తాళాలు వేసేయాలనేది జగన్ రెడ్డి గారు ఆలోచనలా ఉంది. జగన్ రెడ్డి గారు ,అసెంబ్లీలో ప్రకటన ఒక వ్యూహం ప్రకారమే చేసారు. ఉత్తరాంధ్ర భూములు చాలా వరకూ వైసీపీ నాయకుల చేతుల్లోనే ఉన్నాయి అందుకే ఈ నిర్ణయం తీసుకున్నారు’ అంటూ జగన్పై విమర్శులు గుప్పించారు . ఈ తరుణంలో జగన్ తీసుకున్న మూడు రాజధానుల నిర్ణయానికి మద్దతు ప్రకటించారు పవన్ కళ్యాణ్ అన్నయ్య చిరంజీవి. ఒకవైపు పవన్ కళ్యాణ్ రాజధాని నిర్ణయంపై ఒంటికాలిన లేస్తుంటే.. ఏపీ సీఎం జగన్కు మద్దతు ప్రకటించడం సినీ, రాజకీయ వర్గాల్లో చర్చాంశనీయమైంది. కాగా ఇష్యూపై మెగా ఫ్యాన్స్ ఎటూ తేల్చుకోలేక ఆలోచనలో పడ్డారు. ఈ తరుణంలో జనసైనికుల్ని రెచ్చగొడుతూ వివాదాస్పద కామెంట్స్ చేశారు సినీ, రాజకీయ విశ్లేషకుడు కత్తి మహేష్. చిరంజీవి లేకపోతే పవన్ కళ్యాణ్ లేడు. కానీ పవన్ కళ్యాణ్ వల్లనే చిరంజీవికి అస్తిత్వం ఉందని పవన్ కళ్యాణ్ ఫ్యాన్స్ ఫీలింగ్. అందుకే పవన్ కి వ్యతిరేకం చిరంజీవి మాట్లాడినా వాళ్ళు ట్రోల్ చేస్తారు. సెన్సిబుల్గా ఎవరు మాట్లాడినా తిక్క కళ్యాణ్ పిచ్చి సేనకు నచ్చదు. వ్యతిరేకిస్తారు. అల్లరి చేస్తారు. వాళ్లకు నా ప్రగాఢ సానుభూతి’ అంటూ ఫేస్ బుక్లో పోస్ట్ పెట్టారు కత్తి మహేష్.
from Telugu Movie News | Movie News in Telugu | Movie Gossips in Telugu https://ift.tt/2ZgMfkE
v
No comments:
Post a Comment