‘నాదెండ్ల.. నాలుగో భార్య! మరిచారా జగన్ గారూ’.. ‘కత్తి’కి కాలింది

‘ప్రభుత్వ పాఠశాలల్లో ఇంగ్లీష్ బోధన’.. ఏపీ సీఎం వైస్ జగన్ మోహన్ రెడ్డి తీసుకున్న ఈ నిర్ణయంపై భిన్నవాదనలు వినిపిస్తున్నాయి. జగన్ తీసుకున్న నిర్ణయంతో పేద పిల్లలకు ఇంగ్లీష్ విద్య అందుబాటులో ఉంటుందని కొందరు అంటుంటే.. తెలుగు భాషకు తూట్లు పొడుస్తున్నారని పవన్ లాంటి భాషాభిమానులు విమర్శలు గుప్పిస్తున్నారు. ఇదిలాఉంటే.. ఈ ఇంగ్లీష్ బోధన విధానంపై వైసీపీ-జనసేనల మధ్య మాటల తూటాలు పేలుతున్నాయి. ‘తెలుగు మాధ్యమాన్ని పాఠశాలలలో ప్రభుత్వం ఆపివెయ్యడానికి సన్నాహాలు చేస్తుంటే ,ఆంధ్రప్రదేశ్ అధికారభాష సంఘం ఏం చేస్తుంది?’ అంటూ పవన్ కళ్యాణ్ సోషల్ మీడియా వేదికగా ప్రశ్నలు గుప్పిస్తుండటంతో జగన్ ఘాటుగా కౌంటర్ ఇచ్చారు. ‘ప్రభుత్వ పాఠశాలల్లో ప్రవేశపెట్టింనందుకు విమర్శలు చేస్తున్న వారంతా వాళ్ల పిల్లల్ని ఎక్కడ చదివిస్తున్నారు’ అని చురకలేశారు జగన్. ‘చంద్రబాబు కొడుకు, మనవడు ఎక్కడ చదువుతున్నారు, ఉపరాష్ట్రపతి వెంకయ్య నాయుడి పిల్లలు, మనవడు ఇంగ్లీష్ మీడియంలో చదవలేదా? ముగ్గురు పెళ్ళాలు , నలుగురు ఐదుగురు పిల్లలున్న పవన్ కళ్యాణ్ పిల్లల్ని ఎక్కడ చదివిస్తున్నారు’ అంటూ ఘాటు వ్యాఖ్యలు చేశారు జగన్. అయితే పవన్ సైతం జగన్ వ్యాఖ్యలపై స్పందిస్తూ కౌంటర్ ఇస్తుండటంతో ఇంగ్లీష్ విద్యావిధానం రెండు పార్టీల మధ్య వర్గపోరుగా మారింది. ఒకర్నొకరు దూషించుకుంటూ సోషల్ మీడియాలో వ్యక్తిగత ఆరోపణలకు దిగుతున్నారు. ఈ సందర్భంలో జనసేన రాజకీయ వ్యవహారాల కమిటీ చైర్మన్ నాదెండ్ల మనోహర్.. ‘జనసైనికులు సంయమనం పాటించండి’ అంటూ పిలుపునిచ్చి.. జగన్‌పై వ్యక్తిగత ఆరోపణలు గుప్పించారు. ఈ తరుణంలో వివాదాన్ని మరింత రాజేస్తూ కత్తి మహేష్.. జనసేన అధినేత పవన్‌పైనా, నాదెండ్ల మనోహర్ పైనా తీవ్ర వ్యాఖ్యలు చేశారు. పరుష పదజాలంతో చెలరేగిపోయాడు కత్తి. ‘వ్యక్తిగత విమర్శలేమిట్రా మనోహర్! పెళ్లాల సంఖ్య గుప్తమా లేక పిల్లలు ఎందరో తెలియకపోవడం తట్టుకోలేని తికమకా? అయినా ఒరేయ్! జగన్‌ని ఆర్ధిక ఉగ్రవాది అన్నప్పుడు. జగన్ రెడ్డి...రెడ్డి అని కులాన్ని ఒత్తిఒత్తి సాడిస్టిక్ ఆనందం పొందినప్పుడు. కడప రౌడీలు అని మాటిమాటికీ వాగినప్పుడు.. కోడికత్తి అని వెక్కిరించిన్నప్పుడు.. కోర్టుకెళ్లే నేరస్తుడు అని కూసినప్పుడు.. అవన్నీ వ్యక్తిగతం కాదా? మీరు అంటే రాజకీయ విమర్శ... మేము అంటే వ్యక్తిగత విమర్శ. అంతేగా... సరే కానీ. ‘నాలుగో భార్య నాదేండ్లని మర్చిపోయినందుకు జగన్ గారు క్షమాపణలు చెప్పాలి కాబోలు!’ అంటూ కత్తి మహేష్ సంచలన కామెంట్స్ చేశారు.

from Telugu Movie News | Movie News in Telugu | Movie Gossips in Telugu https://ift.tt/33DVFIm
v