ప్రముఖ బాలీవుడ్ మ్యూజిక్ కంపోజర్ అను మాలిక్పై ఇప్పటివరకు చాలా మంది లైంగిక ఆరోపణలు చేశారు. తమతో అసభ్యకరంగా ప్రవర్తించాడని, ఈ మాట చెప్తుంటే ఎవ్వరూ నమ్మడంలేదని సింగర్స్ సోనా మొహాపాత్ర, నేహా భాసిన్, శ్వేతా పండిట్ సోషల్ మీడియా వేదికగా ఆరోపణలు చేశారు. దాంతో అంతా కథ కంచికి చేరుతుందని అనుకున్నారు. కానీ మొదటిసారి ఓ గాయని అను మాలిక్ కామాంధుడు కాదు దేవుడ అంటూ మీడియా ముందుకు వచ్చింది. అను మాలిక్పై వస్తున్న ఆరోపణల్లో నిజం లేదని సోషల్ మీడియాలో ఓ పోస్ట్ పెట్టింది. ‘ఎందరో పేరున్న సింగర్స్కు కెరీర్ తొలినాళ్లలో మంచి పాటలు పాడే అవకాశం ఇచ్చిన మ్యూజిక్ డైరెక్టర్ అను మాలిక్. ఆ సింగర్స్లో నేనూ ఒకదాన్ని. నా పేరు హేమా సర్దేశాయ్. చాలా ఏళ్ల క్రితం నేను ఇండస్ట్రీలో ఎన్నో బాధలు పడ్డాను. నా కెరీర్ కోసం మరొకరితో పడుకునేంత స్థాయికి దిగజారే మనిషిని కాను అని మీడియా ముందుకు వచ్చి చెప్పాను. ఆ సమయంలో ఎవ్వరూ నా తరఫున ఎందుకు మాట్లాడలేదు. అను మాలిక్ నిజంగానే లైంగికంగా వేధించి ఉంటే ఇన్నాళ్లూ మౌనంగా ఎందుకు ఉన్నారు? అను మాలిక్ పుణ్యమా అని ఆయన కంపోజ్ చేసిన ఎన్నో బ్లాక్ బస్టర్ పాటలను పాడే అవకాశం నాకు వచ్చింది. నాలాగా టాలెంట్ ఉన్న సింగర్ అను మాలిక్ కంపోజ్ చేసిన పాటల్ని పాడారంటే.. ఆయన టాలెంట్ను మాత్రమే చూసే మంచి మనసున్న మనిషని అర్థం అవుతోంది. ఆయనపై ఆరోపణలు చేస్తున్న కొందరు సింగర్స్ను నేను ఓ ప్రశ్న అడగాలని అనుకుంటున్నా.’ ‘ఇన్నాళ్లూ మీరు మౌనంగా ఎందుకు ఉన్నారు? మీరు పనిచేసిన ఇతర మ్యూజిక్ డైరెక్టర్స్ అంతా దేవుళ్లేనని మీరు అంటున్నారా? పబ్లిసిటీ కోసం మీరు అను మాలిక్పై రాళ్లు విసురుతున్నారా? ఇది సరైన పద్ధతి కాదు. అను మాలిక్ కంపోజ్ చేసిన పాటలు పాడిన వారంతా ఆయనపై ఇన్ని ఆరోపణలు వస్తుంటే ఎందుకు మౌనంగా ఉన్నారు? ఇక్కడ నేను ఏం చెప్తున్నానంటే.. రెండు చేతులు కలిస్తేనే చప్పట్లు. నాలాంటి డీసెంట్ సింగర్ ఇలా మాట్లాడుతోందంటే ఓసారి ఇది సీరియస్గా ఆలోచించాల్సిన విషయమే. ఇది పబ్లిసిటీ కోసం నేను చేస్తున్న పోస్ట్ కాదు. నిజానికి మద్దతు తెలిపితే ఉండే సంతృప్తి ఏంటో తెలుసుకోండి’ అని వెల్లడించారు హేమ.
from Telugu Movie News | Movie News in Telugu | Movie Gossips in Telugu https://ift.tt/2qmJe5b
v
No comments:
Post a Comment