అందరి హీరోలు సంగతి ఎలా ఉన్నా.. బాలయ్య బాబు సినిమా అంటే ట్రోలర్స్ రెడీగా ఉంటారు. ఆయన సినిమా అనౌన్స్ మెంట్ నుండి థియేటర్స్ బొమ్మ పడి శుభం కార్డ్ వేసేవరకూ కూడా ఏ ఒక్క విషయంలో ఛాన్స్ దొరికినా బాలయ్యపై ట్రోల్స్ చేసేందుకు ఓ బ్యాచ్ రెడీగా ఉంటుంది. అయితే ఇలా ట్రోల్స్ చేసేవారిని పెద్ద కష్టపెట్టకూడదు అనుకున్నారో ఏమో కాని.. బాలయ్య ‘రూలర్’ టీజర్లోని ఆయన గెటప్ ట్రోలర్స్కి ముడిసరుకుగా మారింది. ముఖ్యంగా ఆయన పోలీస్ గెటప్లో పెట్టుకున్న విగ్పై ఫ్యాన్స్ సైతం ఆగ్రహం వ్యక్తం చేస్తున్నారు. అసలే వయసు వచ్చి మీద పడటంతో బాలయ్య ముఖంపై ముడతలు బాగానే కనిపిస్తున్నాయి. వీటిని కవర్ చేయాల్సింది పోయి వాటినే ఫోకస్ చేసినట్టు టీజర్లో చాలా షాట్లు ఉన్నాయి. ఇక పోలీస్ గెటప్ బాలయ్యకు అస్సలు సూట్ కాలేదు. లూజ్గా ఉన్న పోలీస్ యూనిఫామ్, తలపై టోపీ, పెరిగిన జుట్టు, కళ్లకు కూలింగ్ క్లాస్ చూస్తుంటే.. ఆ క్యాస్ట్యూమర్ ఎవడ్రా బాబు ఆ మాత్రం చూసుకోరా? అంటూ ఫ్యాన్స్ సైతం ఫైర్ అయ్యేలా ఆయన పోలీస్ లుక్ ఉంది. పోనీ బాలయ్యను పవర్ ఫుల్గా చూపించారు అంటే అదీ లేదు.. ఎప్పుడూ చూపించే బాలయ్యనే ముడతల ముఖంతో నాసిరకంగా చూపించారు. గతంలో పోలీస్ గెటప్లో బాలయ్య చాలా హుందాగా కనిపించారు. కాని రూలర్లో ఆయనకు హెయిర్ స్టైల్ బొత్తిగా సెట్ అవ్వలేదు. బాలయ్య నిలబడిన విధానం కామెడీగా అనిపించింది. దీనికి తగ్గట్టు బాలయ్య మధ్య పాపిడి తీసుకుని సీరియస్ నెస్ లేకుండా చేశారు. సంక్రాంతి ముందు బాలయ్య బాబు సినిమా అంటే ఆయన అభిమానుల్లో పక్కా హిట్ అనే నమ్మకం ఎక్కువ. అయితే రూలర్ టీజర్తో అభిమానుల అంచనాలను అందుకోలేకపోయింది చిత్ర యూనిట్. కాగా ఎంతో ఆసక్తిగా ఎదురుచూసిన ఈ టీజర్లో బాలయ్యను సరిగా చూపించలేకపోవడంతో దర్శకుడు కె.ఎస్ రవి కుమార్, నిర్మాత సి. కళ్యాణ్లను బండ బూతులు తిడుతున్నారు కొంతమంది బాలయ్య ఫ్యాన్స్. అలాగే ఎప్పటిలాగే బాలయ్యను ట్రోల్ చేసే వారికి ఈ టీజర్తో ముడిసరుకు లభించడంతో ఓ రేంజ్లో ట్రోల్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/33aBgto
v
No comments:
Post a Comment