ఇష్టమైన నటీనటులతో నేరుగా చాట్ చేయాలని ఎదురుచూసే అభిమానులు ఎందరో ఉన్నారు. అప్పుడప్పుడూ పలువురు సెలబ్రిటీలు సోషల్ మీడియాలో ఫ్యాన్స్తో ఇంటరాక్ట్ అవుతూ ఉంటారు. కుదిరితే ట్విటర్లో చిట్ చాట్ సెషన్ పెడతారు. లేకపోతే ఫేస్బుక్లో కానీ ఇన్స్టా్గ్రామ్లో కానీ లైవ్ చాట్స్ చేస్తుంటారు. వారి నుంచి రిప్లై వస్తే ఎగిరి గంతేస్తుంటారు. తాజాగా బాలీవుడ్ కింగ్ ఖాన్ షారుక్ అభిమానులకు ఇలాంటి సర్ప్రైజే ఇచ్చారు. దాదాపు ఏడాదిగా షారుక్ నుంచి ఎలాంటి సినిమా రాలేదు. దాంతో ఎక్కడ అభిమానులు నిరాశచెందురారోనని కాసేపు ట్విటర్లో తన ఫ్యా్న్స్తో చాట్ చేశారు. ఈ సందర్భంగా అభిమానులు అడిగిన ప్రశ్నలేంటో.. వాటికి షారుక్ ఏమని సమాధానమిచ్చారో చూడండి. మీ తర్వాతి సినిమా ఎప్పుడు షారుక్? ఆ పని మీదే ఉన్నా. సరైన మెటీరియల్ దొరికిన వెంటనే ప్రకటిస్తాను. మీ నుంచి బిగ్ సర్ప్రైజ్ ఆశించొచ్చా? ఏళ్లు గడుస్తున్నా నేను యూత్లాగే కనిపిస్తున్నా. అదే పెద్ద సర్ప్రైజ్. ఎలాంటి సినిమా చేయాలని అనుకుంటున్నారు? ఏదన్నా హిట్ సినిమా. సర్.. మీ చిన్న కుమారుడు అబ్రామ్తో ఎప్పుడు సినిమా చేస్తారు? వాడి డేట్లు కుదిరినప్పుడు. సర్.. నన్ను బూతులైనా తిట్టండి. కానీ రిప్లై మాత్రం ఇవ్వండి. ఇది చాలా టెంప్టింగ్ ఆఫర్. బూతులు ఎందుకు తిట్టుకోవాలి. మంచితనం కూడా ఉచితమే కదా. మీ రిప్లై కోసం ఐదేళ్ల నుంచి ఎదురుచూస్తున్నా షారుక్. హైదరాబాద్ ఎప్పుడు వస్తారు? త్వరలో వస్తాను. ధనుష్ గురించి ఒక్కమాటలో చెప్పండి షారుక్? ఐ లవ్ హిమ్. షారుక్ రేపు నా పరీక్ష ఉంది. కానీ నేను మీ రిప్లై కోసం ఎదురుచూస్తు్న్నా. నాకు రిప్లై ఇస్తారా. ఫెయిల్ చేసేస్తారా? దయచేసి పరీక్ష బాగా రాయ్. ఒకవేళ నువ్వు పరీక్ష బాగా రాస్తే దానికి కారణం నేనే అని మాత్రం అనొద్దు. బాగా చదువుకో. మీ సినిమాల్లో మీ చిన్న కుమారుడిని ఏ సినిమా అంటే ఇష్టం? రావణ్ సర్.. అజిత్పై మీ అభిప్రాయం ఏంటి? నా స్నేహితుడు. షారుక్ మీరు ‘ధూమ్ 4’ సినిమాలో నటిస్తున్నారని విన్నాను. నిజమేనా? నేనూ విన్నాను. మరింత సమాచారం తెలిస్తే నాకు చెప్పవా. మున్ముందు తమిళ సినిమాకు దర్శకత్వం వహించే ఆలోచన ఉందా? ఉంది. నాకు తమిళం బాగా వచ్చు. మీకు ఇష్టమైన బ్రేక్ ఫాస్ట్? బ్లాక్ కాఫీ.
from Telugu Movie News | Movie News in Telugu | Movie Gossips in Telugu https://ift.tt/2IxypDm
v
No comments:
Post a Comment