సెలబ్రిటీ రియాల్టీ షో ఇప్పుడు హిందీలో మాత్రమే కాదు తెలుగు. తమిళంలో కూడా పాపులర్ అయింది. పన్నెండేళ్ల నుంచి హిందీలో బాలీవుడ్ సూపర్స్టార్ సల్మాన్ ఖాన్ హోస్ట్ చేస్తూ వస్తున్నారు. ఇటీవల సీజన్ 13 ఘనంగా ప్రారంభమైంది. అయితే ఈ షోలో వీకెండ్ ఎపిసోడ్స్ చాలా ఆసక్తికరంగా ఉంటాయి. షోలో పార్టిసిపేట్ చేసిన కంటెస్టెంట్లను ఎలిమినేట్ చేసేది వీకెండ్ ఎపిసోడ్స్ సమయంలోనే. అయితే ఈ వీకెండ్ ఎపిసోడ్స్లో సెలబ్రిటీలు కూడా సందడి చేస్తుంటారు. తమ సినిమాలను ప్రమోట్ చేసుకోవడానికి, లేదా ప్రేక్షకులను ఎంటర్టైన్ చేయడానికి వస్తుంటారు. ఈరోజు బిగ్ బాస్ సీజన్ 13కు తొలి వీకెండ్. ఈ నేపథ్యంలో షోకి బాలీవుడ్ నటి హీనా ఖాన్ స్పెషల్ గెస్ట్గా రాబోతున్నారు. ఈ విషయాన్ని ఆమె సోషల్ మీడియా వేదికగా ప్రకటించారు. అయితే ఇక్కడ అసలు మ్యాటర్ హీనా ఖాన్ గురించి కాదు. తెలుగు ఖ్యాతిని దేశానికి చాటిచెప్పిన ‘సైరా నరసింహారెడ్డి’ సినిమా టీంది. మెగాస్టార్ చిరంజీవితో పాటు నిర్మాతగా వ్యవహరించిన రామ్ చరణ్, తమన్నా తదితరులు షోకు గెస్ట్గా రాబోతున్నట్లు తెలుస్తోంది. సల్మాన్, రామ్ చరణ్ ఎప్పటినుంచో మంచి ఫ్రెండ్స్. సల్మాన్ సోదరి అర్పితా ఖాన్ పెళ్లి వేడుకకు కూడా రామ్ చరణ్ హాజరయ్యారు. అంతేకాదు సల్మాన్ ఖాన్ నటిస్తున్న ‘దబాంగ్ 3’ తెలుగు వెర్షన్కు రామ్ చరణ్ వాయిస్ ఓవర్ ఇచ్చారు. ఈ సినిమాకు సంబంధించిన టీజర్ను కూడా చరణే విడుదల చేశారు. అదీకాకుండా సైరా సినిమా హిందీలోనూ విడుదలైంది కాబట్టి అక్కడ కూడా సినిమాకు ప్రచారం ఎంతో అవసరం. అందుకే సల్మాన్ అడగ్గానే బిగ్ బాస్షోకు రావడానికి చరణ్ కాదనలేకపోయారని బాలీవుడ్ వర్గాల సమాచారం. మరి ఈరోజు ప్రసారం చేయబోయే ఎపిసోడ్కు సైరా టీం వచ్చిందా లేక ఆదివారం ఎపిసోడ్కు వచ్చిందా అన్నది తెలియాల్సి ఉంది. మరోపక్క సైరా సినిమా బాక్సాఫీస్ వద్ద వసూళ్లతో దుమ్మురేపేస్తోంది. తొలిరోజే తెలుగు రాష్ట్రాల్లో రూ. 43 కోట్ల షేర్ను కలెక్ట్ చేసింది. ఓవర్సీస్లోనూ సైరాకు తిరుగులేదు. అమెరికాలో రెండు రోజుల్లో 1.2 మిలియన్ డాలర్లను వసూలు చేసింది.
from Telugu Movie News | Movie News in Telugu | Movie Gossips in Telugu https://ift.tt/2ALSIbT
v
No comments:
Post a Comment