తమిళ నటుడు విజయ్ అంటే ప్రాణమిచ్చే అభిమానులు ఎందరో. ఫ్యాన్స్ అంటే విజయ్కి కూడా అంతే ప్రాణం. వారికేదన్నా అవసరం వస్తే ఆదుకోవడానికి క్షణాల్లో ముందుకొస్తారు. అలాంటిది.. అభిమానుల పట్ల కర్కశంగా ప్రవర్తిస్తారా? సామి అనే తమిళ దర్శకుడు విజయ్పై చేస్తున్న షాకింగ్ కామెంట్స్ చూస్తే ఆ విషయం నిజమేనేమో అనిపిస్తుంది. విజయ్ ఈవెంట్స్లో అనవసమైన విషయాలు మాట్లాడతారని, అలాంటి మాటలు ఆయన తగ్గించుకోవాలని అన్నారు. ఎవర్ని ఎక్కడ ఉంచాలో అక్కడే ఉంచాలని తెలిపారు. విజయ్ అభిమానులపై చూపించే ప్రేమంతా నాటకమేనని షాకింగ్ విషయాలు వెల్లడించారు. అభిమానులను కలిశాక, వారికి షేక్ హ్యాండ్ ఇచ్చాక విజయ్ డెటాల్తో చేతులు కడుక్కుంటారని, అభిమానులపై ప్రేమ ఉన్నట్లు విజయ్ నటిస్తున్నారని అన్నారు. విజయ్ సినిమాల్లో నటించడం ఆపాలని, పనికిరాని ప్రసంగాలు చేయకూడదని మండిపడ్డారు. 2000లో తాను విజయ్ను కలిశానని ‘ప్రియమనవలే’ అనే సినిమా షూటింగ్ సమయంలో తాను ‘ఆండ్రిల్ పారావైగల్’ అనే సినిమా కథను విజయ్కు చెప్పానని వెల్లడించారు. విజయ్ రజనీకాంత్ అంత గొప్పగా నటించగలడేమో కానీ ఫంక్షన్స్లో నోటికొచ్చినట్లు మాట్లాడటం ఆపాలని అన్నారు. విజయ్ గురించి ఇన్ని షాకింగ్ విషయాలు చెప్పిన సామి ఇంతకీ తనకు, విజయ్కు మధ్య ఏం జరిగిందో మాత్రం చెప్పలేదు. విజయ్ ఆడియో లాంచ్ కార్యక్రమాల్లో ఎప్పుడూ తప్పుగా మాట్లాడింది లేదు. లేదంటే అప్పుడే ఆయన వ్యాఖ్యలు వివాదాస్పదమయ్యేవి. ఆయన నటిస్తున్న ‘బిగిల్’ ఆడియో లాంచ్ ఇటీవల జరిగింది. ఈ వేడుకలో కూడా ఆయన అభ్యంతర కామెంట్స్ ఏమీ చేయలేదు. ఏ హీరో ఫ్యాన్స్ కూడా సోషల్ మీడియాలో ఒకరినొకరు తిట్టుకోకూడదని చెప్పారు. కొందరు రాజకీయ రౌడీలపై కూడా ఇన్ డైరెక్ట్గా కామెంట్ చేశారు. తనపై కోపం ఉంటే తనతోనే పరిష్కరించుకోవాలని, తన ఫ్యాన్స్ జోలికి మాత్రం వెళ్లొద్దని అన్నారు. మరి సామి ఇప్పుడు ఎందుకు మీడియ ముందుకు వచ్చి విజయ్ గురించి ఇలాంటి వ్యాఖ్యలు చేశారో ఆయనకే తెలియాలి.
from Telugu Movie News | Movie News in Telugu | Movie Gossips in Telugu https://ift.tt/2M6yWON
v
No comments:
Post a Comment