కాజల్ రమ్మీ భలే ఆడుతుందట.. అందుకే వాడేస్తున్నారు!

ఒకప్పుడు కంపెనీలు తమ బ్రాండ్ నేమ్‌ ప్రచారం కోసం స్పోర్ట్స్ స్టార్లను, బాలీవుడ్ స్టార్లను ఎంపిక చేసుకునేవి. కానీ, ఇప్పుడు కాలం మారింది. మన సౌత్ సినిమా స్టార్లు కూడా విపరీతమైన క్రేజ్ సంపాదిస్తున్నారు. ఆ క్రేజ్‌ను క్యాష్ చేసుకోవాలని కంపెనీలు చూస్తున్నాయి. సౌందర్య ఉత్పత్తులు, తినుబండారాలు, రియల్ ఎస్టేట్, గేమింగ్ ఇలా చాలా రంగాల్లో మన స్టార్లు బ్రాండ్ అంబాసిడర్లుగా వ్యవహరిస్తున్నారు. వాళ్లలో కూడా ఒకరు. కాజల్ ఇప్పటికే కొన్ని సౌందర్య ఉత్పత్తులకు ప్రచారకర్తగా ఉన్నారు. అయితే, తొలిసారి ఒక ఆన్‌లైన్ గేమింగ్ సంస్థకు బ్రాండ్ అంబాసిడర్‌గా వ్యవహరిస్తున్నారు. అది కూడా ఆన్‌లైన్ రమ్మీ. మన భాషలో చెప్పాలంటే పేకాట. ఖేల్‌ప్లే రమ్మీ (KPR) అనే ఆన్‌లైన్ గేమింగ్ ప్లాట్‌ఫాంకు కాజల్ తన ఇమేజ్‌తో ప్రచారం కల్పిస్తోంది. వాస్తవానికి కాజల్‌కు రమ్మీ ఆడటమంటే భలే ఇష్టమట. ఈ విషయాన్ని ఆమెనే స్వయంగా చెప్పింది. దేశంలో ఎంతో మందిలా తాను కూడా చాలా కాలంగా రమ్మీని ఎంజాయ్ చేస్తున్నానని కాజల్ వెల్లడించారు. ఖేల్‌ప్లే రమ్మీ సంస్థకు తాను బ్రాండ్ అంబాసిడర్‌గా చేయడం ఎంతో సంతోషంగా ఉందని చెప్పారు. అంతేకాదు, ఆన్‌లైన్ గేమింగ్ ప్లాట్‌ఫాంలో రమ్మీ భాగం కావడం ఎంతో అవసరమని కాజల్ అభిప్రాయపడ్డారు. ఈ విషయంలో కేపీఆర్ చొరవ అభినందనీయమన్నారు. భారత్‌లో రమ్మీ పెరుగుతోన్న ఆదరణ చూస్తుంటే ఎంతో ఆనందంగా ఉందని, రమ్మీ ఫ్యాన్స్‌కి కేపీఆర్ మంచి అనుభూతినిచ్చే గేమ్‌ను పరిచయం చేస్తోందని చెప్పారు. మొత్తం మీద ఆన్‌లైన్‌లో పేకాట ఆడమని కాజల్ తన అభిమానులకు సూచిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/32MSRIA
v