మెగాస్టార్ చిరంజీవికి తెలుగు రాష్ట్రాల్లో ఉన్న క్రేజ్ గురించి ప్రత్యేకంగా చెప్పాల్సిన అవసరంలేదు. ఆయన సినిమా వస్తుందంటే చాలు నైజాం, సీడెడ్, ఆంధ్ర అనే తేడాలు ఉండవు.. ఎక్కడైనా ఫ్యాన్స్కి పూనకాలే. అయితే, సినిమాలకు గ్యాప్ ఇచ్చి చిరంజీవి రాజకీయాల వైపు వెళ్లడం.. సుధీర్ఘ విరామం తరవాత ఆయన మళ్లీ మేకప్ వేసుకోవడంతో ఆయనకు ఇప్పుడంత క్రేజ్ లేదని చాలా మంది అన్నారు. మహేష్ బాబు, ప్రభాస్, రామ్ చరణ్, ఎన్టీఆర్, అల్లు అర్జున్ వంటి యంగ్ హీరోల ముందు ఆయన నిలవలేరు అన్నారు. కానీ, ఇప్పటికీ ఎప్పటికీ తనకు తిరుగులేదని మెగాస్టార్ మరోసారి నిరూపించారు. ‘ఖైదీ నంబర్ 150’తో అదిరిపోయే రీఎంట్రీ ఇచ్చిన చిరంజీవి.. ‘సైరా’తో బ్లాక్ బస్టర్ హిట్టు కొట్టారు. నాన్-బాహుబలి రికార్డులను తిరగరాస్తున్నారు. Also Read: తెలుగు రాష్ట్రాల్లో ‘సైరా’ కలెక్షన్ల సునామీ సృష్టిస్తోంది. గాంధీ జయంతి సందర్భంగా బుధవారం విడుదలైన ఈ చిత్రం కేవలం రెండు రోజుల్లో తెలుగు రాష్ట్రాల్లో రూ. 47.6 కోట్ల షేర్ను వసూలు చేసింది. అంటే, ఇంచుమించుగా అప్పుడే సగం మొత్తం వచ్చేసినట్టే. తెలంగాణ, ఆంధ్రప్రదేశ్లో నాన్ రిటర్నబుల్ అడ్వాన్స్ కింద రూ.107.9 కోట్లకు ‘సైరా’ థియేట్రికల్ హక్కులను విక్రయించారు. దీనిలో సుమారు 44 శాతం రెండు రోజుల్లోనే వసూలైపోయింది. ప్రస్తుతం ‘సైరా’కు ఉన్న పాజిటివ్ టాక్ ప్రకారం మిగిలిన మొత్తం వసూలు కావడం పెద్ద కష్టమేమీ కాదు. శని, ఆదివారాల్లో వీకెండ్ కాబట్టి కలెక్షన్లు కచ్చితంగా ఊపందుకుంటాయి. Also Read: తెలుగు రాష్ట్రాల్లోనే కాకుండా ఓవర్సీస్లోనూ ‘సైరా’ దూసుకుపోతోంది. యూఎస్లో రెండు రోజుల్లో 1.27 మిలియన్ డాలర్లు వసూలు చేసింది. శుక్రవారం కూడా టిక్కెట్లు భారీగా అమ్ముడుపోయాయని, వీకెండ్లో కలెక్షన్లు భారీగా రాబోతున్నాయని యూఎస్లో సినిమాను విడుదల చేసిన స్నోఫ్లేక్ సినిమా ట్విట్టర్ ద్వారా వెల్లడించింది. మొత్తానికి ‘సైరా’ బాక్సాఫీసును షేక్ చేస్తోంది. తెలుగు రాష్ట్రాల్లో ప్రాంతాల వారీగా షేర్ వివరాలు నైజాం - రూ. 12.08 కోట్లు సీడెడ్ - రూ. 7.70 కోట్లు ఉత్తరాంధ్ర - రూ. 6.28 కోట్లు గుంటూరు - రూ. 5.73 కోట్లు తూర్పుగోదావరి - రూ. 5.30 కోట్లు పశ్చిమ గోదావరి - రూ. 4.36 కోట్లు కృష్ణా - రూ. 3.75 కోట్లు నెల్లూరు - రూ. 2.40 కోట్లు ఏపీ, తెలంగాణ మొత్తం - రూ. 47.60 కోట్లు
from Telugu Movie News | Movie News in Telugu | Movie Gossips in Telugu https://ift.tt/2pDIFTY
v
No comments:
Post a Comment