బాలీవుడ్ నటుడు అక్షయ్ కుమార్ను ఇంప్రెస్ చేయాలనుకున్న ఓ ఆర్టిస్ట్ స్టేజ్పై కుప్పకూలి పడిపోయాడు. ప్రముఖ హిందీ కామెడీ షో అయిన మూవీ మస్తీలో ఈ ఘటన చోటుచేసుకుంది. బాలీవుడ్ నటుడు తాను నటించిన ‘హౌస్ఫుల్ 4’ సినిమా ప్రమోషన్స్లో భాగంగా ఈ షోకు వెళ్లారు. అక్షయ్ కోసం షో నిర్వాహకులు స్టంట్స్ చేయించేందుకు ఆర్టిస్ట్లను పెట్టించారు. ఈ క్రమంలో ఓ ఆర్టిస్ట్ స్టంట్ చేయాల్సి ఉండగా ఒక్కసారిగా కుప్పకూలిపోయాడు. దాంతో అక్షయ్ వెంటనే అతన్ని కాపాడేందుకు వెళ్లారు. అతన్ని జాగ్రత్తగా కిందకి దింపారు. అతను పూర్తిగా కోలుకునేవరకు ఎలాంటి స్టంట్స్ చేయించవద్దని షో నిర్వాహకులను హెచ్చరించారు. ఆ సమయంలో తీసిన వీడియో ఒకటి సోషల్ మీడియాలో వైరల్ అవుతోంది. ఈ వీడియో చూసిన నెటిజన్లంతా అక్షయ్ రీల్ లైఫ్ హీరో మాత్రమే కాదు రియల్ లైఫ్ హీరో కూడా అంటూ ప్రశంసలు కురిపిస్తున్నారు. ఇలాంటివారినే హీరో అంటారంటూ అక్షయ్ను ఆకాశానికి ఎత్తేస్తున్నారు. బాలీవుడ్లో యాక్షన్ స్టంట్స్కు పెట్టింది పేరు అక్షయ్. ఆయన్ను ఇంప్రెస్ చేయడానికి పడిపోయిన వ్యక్తి స్టంట్స్ చేయాలనుకున్నాడు. ముందు రోజు బాగా ప్రాక్టీస్ చేయడం వల్ల నీరసించిపోయినట్లున్నాడు. తన కోసం రిస్కీ స్టంట్స్ చేయాలనుకున్నాడు కాబట్టి ఆ వ్యక్తికి ఏదన్నా సాయం కావాలన్నా తాను చేయడానికి సిద్ధంగా ఉన్నానని తెలిపారు. అక్షయ్ నటించిన ‘హౌస్ఫుల్ 4’ సినిమాకు ఫర్హాద్ సంఝీ దర్శకత్వం వహించారు. కృతి సనన్, కృతి కర్బంద, రితేశ్ దేశ్ముఖ్, బాబీ డియోల్, పూజా హెగ్డే ప్రధాన పాత్రల్లో నటించారు. హౌస్ఫుల్ ఫ్రాంచైస్లో రాబోతున్న నాలుగో చిత్రమిది. అంతకుముందు వచ్చిన మూడు సినిమాలు బాక్సాఫీస్ వద్ద బ్లాక్ బస్టర్ విజయాలు అందుకున్నాయి. రేపు సినిమా ట్రైలర్ను విడుదల చేయనున్నారు. పునర్జమ్మల నేపథ్యంలో 1419, 2019 మధ్య కాలంలో సాగే ఈ కథలో బోలెడన్ని వినోదాలు ఉంటాయని చిత్రబృందం అంటోంది. దీపావళి కానుకగా సినిమాను ప్రేక్షకుల ముందుకు తీసుకురానున్నారు.
from Telugu Movie News | Movie News in Telugu | Movie Gossips in Telugu https://ift.tt/35bpEsf
v
No comments:
Post a Comment