‘సీనయ్య’ ఫస్ట్ లుక్.. హీరోగా వివి వినాయక్ ఊర మాస్ అబ్బా!

హీరోయిజాన్ని చూపించాలంటే దర్శకుడు వీవీ వినాయక్‌‌ సూపర్ టేకర్ అనే చెప్పాలి. ఆది, దిల్, ఠాగూర్, బన్నీ, అదుర్స్, ఖైదీ నెం. 150 లాంటి బ్లాక్ బస్టర్ హిట్లతో అగ్రదర్శకుడు అయ్యారు. అయితే ఆయన ఎక్కువగా అరువుతెచ్చుకున్న చిత్రాలను రీమేక్ చేసి హిట్టుకొట్టాడనే వాదన ఉన్నా.. ఈ మధ్యకాలంలో సరైన హిట్ పడలేదు. దీంతో ఈ అగ్రదర్శకుడు హీరో అవతారం ఎత్తాడు. ‘సీనయ్య’ అంటూ రెంచ్ పట్టుకుని మెడలో ఎర్ర తుండు వేసుకుని ఊరమాస్ అవతారంలో సర్ ప్రైజ్ ఇచ్చారు. అక్టోబర్ 9న వినాయక్ పుట్టినరోజు సందర్భంగా శుభాకాంక్షలు తెలుపుతూ.. ఫస్ట్ లుక్ అండ్ టైటిల్ విడుదల చేశారు. ఈ చిత్రానికి ‘శరభ’ ఫేమ్ ఎన్. నరసింహ దర్శకత్వం వహిస్తుండగా.. దిల్ రాజు శ్రీవెంకటేశ్వర క్రియేషన్స్‌లో నిర్మిస్తున్నారు. ‘దిల్’ చిత్రంతో దిల్ రాజుకి లైఫ్ ఇచ్చిన వీవీ వినాయక్‌ను 15 ఏళ్ల తరువాత హీరోని చేస్తున్నారు దిల్ రాజు. ఈ చిత్రాన్ని మణిశర్మ సంగీతం అందిస్తున్నారు. రేపు (అక్టోబర్ 9) వివి వినాయక్ బర్త్ డే కానుకగా అన్నపూర్ణ స్టూడియోస్‌లో ఉదయం 7.15 నిమిషాలకు ఈ మూవీ షూటింగ్ ప్రారంభం కానుంది. ఇండస్ట్రీలో ప్రముఖులతో పాటు వినాయక్ అభిమానులు ఈ కార్యక్రమానికి హాజరుకానున్నారు.

from Telugu Movie News | Movie News in Telugu | Movie Gossips in Telugu https://ift.tt/2LYSyEB
v