‘హలో’ సినిమాతో తెలుగు ప్రేక్షకులను పలకరించారు ప్రముఖ తమిళ దర్శకుడు ప్రియదర్శన్ కుమార్తె . అఖిల్ హీరోగా నటించిన ఈ సినిమా బాక్సాఫీస్ వద్ద ఫర్వాలేదనిపించింది. ఆ తర్వాత కల్యాణి ‘చిత్రలహరి’ సినిమాతో మరో విజయాన్ని తన ఖాతాలో వేసుకున్నారు. కానీ తన మూడో చిత్రం ‘రణరంగం’ మాత్రం నిరాశ పరిచింది. ఏ రకంగానూ ఆ సినిమా ఆకట్టుకోలేకపోయింది. కళ్యాణి సినిమాల సంగతి పక్కనబెడితే.. ఆమె పర్సనల్ లైఫ్కి సంబంధించిన హాట్ టాపిక్ ఒకటి టాలీవుడ్లో వైరల్ అవుతోంది. కళ్యాణి ప్రేమలో పడ్డారట. ఆ అబ్బాయి మరెవరో కాదు.. మలయాళ సూపర్స్టార్ మోహన్ లాల్ కుమారుడు ప్రణవ్. నిర్మాత అయిన ప్రణవ్తో కల్యాణి కొంతకాలంగా డేటింగ్లో ఉన్నారట. ఈ మేరకు టాలీవుడ్, కోలీవుడ్లో జోరుగా ప్రచారం జరుగుతోంది. ఈ విషయం గురించి మీడియా వర్గాలు ప్రశ్నించగా.. ‘అవును నేను ఒకరితో డేటింగ్లో ఉన్నాను. అతను మా ఫ్యామిలీ ఫ్రెండ్. అతను ఎవరు అన్న వివరాలు మాత్రం చెప్పను. అతనితో నా జీవితాన్ని పంచుకోవాలని అనుకుంటున్నాను. కాబట్టి మా పెళ్లి విషయంలో ఎలాంటి ఇబ్బందులు ఎదురు కావు. అయితే ఇక్కడ మీకో విషయం చెప్పాలనుకుంటున్నాను. నేను ప్రేమిస్తున్న వ్యక్తి ప్రణవ్ కాదు. అతను నాకు చిన్నప్పటి నుంచి తెలుసు. నాకు సోదరుడులాంటివాడు. అతనితో డేటింగ్ అన్న వార్తలు విని నవ్వుకున్నాను. కాబట్టి తప్పుడు ఊహాగానాలు నమ్మొద్దు. సమయం వచ్చినప్పుడు అతని గురించి నేనే చెప్తాను. ఇప్పుడైతే పెళ్లికి ఎలాంటి తొందర లేదు’ అని వెల్లడించారు కళ్యాణి. సినిమాల్లోకి రాకముందు కళ్యాణి.. బాలీవుడ్ హీరో హృతిక్ రోషన్ నటించిన ‘క్రిష్ 4’కి అసిస్టెంట్ ప్రొడక్షన్ డిజైనర్గా వ్యవహరించారు. 2016లో వచ్చిన ‘ఇరుముగన్’ సినిమాకు అసిస్టెంట్ ఆర్ట్ డైరెక్టర్గా వ్యవహరించారు. తెలుగులో నటించిన తొలి రెండు సినిమాలు విజయాలే అందుకున్నప్పటికీ ఆమె కెరీర్ చెప్పుకోదగ్గ స్థాయిలో లేదు. ప్రస్తుతం కల్యాణి తమిళంలో శివ కార్తికేయన్కు జోడీగా ఓ చిత్రంలో నటిస్తున్నారు. తన తండ్రి ప్రియదర్శన్ తెరకెక్కిస్తున్న ఓ సినిమాలో ఓ ప్రత్యేక పాత్రలో నటిస్తున్నారట.
from Telugu Movie News | Movie News in Telugu | Movie Gossips in Telugu https://ift.tt/2nnPetb
v
No comments:
Post a Comment