కుళ్లు, కుతంత్రాలతో నిండిపోయిన ఈ ప్రపంచంలో ఇప్పటికీ నిజమైన ప్రేమ అనేది ఎక్కడైనా ఉందా? ఈ జంటను చూస్తే ఉందనే చెప్తారు. ప్రేమపై విరక్తి పుట్టినవారు కూడా ఈ జంటను చూడగానే ప్రేమలో పడిపోతారు. అసలు వీరు ఎవరు? వీరి కథేంటి? అనేది తెలియాలంటే మనం కౌన్ బనేగా కరోడ్పతి షోకు వెళ్లాల్సిందే. బాలీవుడ్ మెగాస్టార్ హోస్ట్ చేస్తున్న సంగతి తెలిసిందే. ఈ షోలో ఇటీవల ఓ వ్యక్తి పాల్గొ్న్నాడు. అతని పేరు కుమార్ రంజన్. కేబీసీ షోలో పాల్గొనేందుకు బిహార్ నుంచి వచ్చాడు. ఇలాంటి ప్రోగ్రామ్స్లో అమితాబ్ వారి లైఫ్ స్టోరీస్ అడిగి తెలుసుకుంటూ ఉంటారు. అలా కుమార్ని కూడా అడిగాడు. ఈ షోలో గెలుచుకునే డబ్బుతో ఏం చేయాలనుకుంటున్నావ్ అని కుమార్ను బిగ్ బి ప్రశ్నించారు. ఇందుకు కుమార్ ఇచ్చిన సమాధానం విని అమితాబ్ షాకయ్యారు. వచ్చిన డబ్బుతో నా భార్యకు మంగళసూత్రం కొనివ్వాలని అనుకుంటున్నానని తెలిపాడు. దాంతో అతని మొత్తం స్టోరీ గురించి తెలుసుకోవాలని అనుకున్నాడు అమితాబ్. కుమార్ తన కథను వివరిస్తూ.. ‘నేను తొమ్మిదో తరగతిలో ఉన్నప్పుడే నా క్లాస్మెట్ను చూసి ఇష్టపడ్డాను. మేమిద్దరం ఒకే ట్యూషన్కు వెళ్లేవాళ్లం. తను ఒక్క రోజు ట్యూషన్కి, స్కూల్కి రాకపోయినా నాకు ప్రాణం పోయినట్లు అనిపించేది’ అని తెలిపాడు. ఇదంతా విని అమితాబ్ పగలబడి నవ్వుకున్నారు. ఆ తర్వాత ఈ షోకి ఎందుకు వచ్చాడో వివరిస్తూ.. ‘నా బేబీ(భార్య)కు మెడలో మంగళసూత్రం కూడా లేదు సర్. నేను చేసే ఉద్యోగంతో తనకు మంగళసూత్రం కొనడం చాలా కష్టం. అందుకే ఈ షోలో పాల్గొని వచ్చిన డబ్బుతో తన మెడలో మంగళసూత్రం వేయాలని అనుకుంటున్నాను’ అన్నాడు. ఇది విన్నాక అమితాబ్తో పాటు అక్కడున్నవారు కూడా షాకయ్యారు. అతను కోరుకున్నంత డబ్బు గెలుచుకోవాలని అమితాబ్ కూడా విష్ చేశారు. ఇటీవల అనారోగ్యంతో ముంబైలోని లీలావతి హాస్పిటల్తో అడ్మిట్ అయ్యారు అమితాబ్. రెగ్యులర్ చెకప్ అంటూనే మూడు రోజుల పాటు ఆయనకి చికిత్స అందించారు. డిశ్చార్చ్ అయిన మరుసటి రోజే అమితాబ్ కేబీసీ షూటింగ్కు వెళ్లిపోయారు. హాస్పటిల్ నుంచి వచ్చాక తాను ఐదు కిలోలు తగ్గిపోయానని అమితాబ్ తెలిపారు.
from Telugu Movie News | Movie News in Telugu | Movie Gossips in Telugu https://ift.tt/2pbN5le
v
No comments:
Post a Comment