‘హిచ్కీ’ సినిమాతో సెకెండ్ ఇన్నింగ్స్ మొదలుపెట్టారు బాలీవుడ్ బ్యూటీ . ఈ సినిమా మంచి విజయం సాధించింది. ఇప్పుడు ‘మర్దానీ 2’ సినిమాతో తనలోని రౌడీ పోలీస్ని మరోసారి పరిచయం చేయడానికి వస్తున్నారు. 2014లో వచ్చిన బ్లాక్ బస్టర్ చిత్రం ‘మర్దానీ’కి ఇది సీక్వెల్గా రాబోతోంది. గోపీ పుత్రన్ దర్శకత్వం వహిస్తున్నారు. యశ్రాజ్ ఫిలింస్ బ్యానర్పై తన భర్త ఆదిత్య చోప్రా నిర్మాతగా వ్యవహరిస్తున్నారు. కాగా ఈ సినిమాకు సంబంధించిన డేట్ అనౌన్స్మెంట్ టీజర్ను చిత్రబృందం తాజాగా విడుదల చేసింది. పవర్ఫుల్ పోలీసు అధికారిణి శివానీ శివాజీ రాయ్ పాత్రలో రాణీ ఎంట్రీ హైలైట్గా నిలిచింది. ‘వారు ఆపేంతవరకు ఆమె ఆపదు’ అన్న క్యాప్షన్తోనే సినిమాను ఏ రేంజ్లో తెరకెక్కించారో తెలుస్తోంది. నడిరోడ్డుపై ఓ వ్యక్తిని బెల్టు తీసుకుని రాణీ ముఖర్జీ చితక్కొడుతున్న సన్నివేశం అదుర్స్ అనిపించింది. ఇందులో 21 ఏళ్ల విలన్తో రాణి పోటీపడతారు. వాడిని ఎలా ఎదిరించార అన్నదే ఈ సినిమా కథ. ఇక మిగతా పిక్చర్ ఎలా ఉండబోతోందో తెలియాలంటే మరికొంత కాలం ఆగాల్సిందే. వయసవుతున్నప్పటికీ రాణీలో ఉన్న ఆ ఫైర్ ఇంకా అలాగే ఉంది. ఇందులో విక్రమ్ సింగ్ చౌహాన్, శ్రుతి బాప్నా కీలక పాత్రలు పోషిస్తున్నారు. ఇంకా షూటింగ్ జరుగుతోంది. డిసెంబర్ 13న సినిమాను ప్రేక్షకుల ముందుకు తీసుకురానున్నారు. 2014 వరకు ఎన్నో విజయవంతమైన సినిమాల్లో నటించారు రాణీ ముఖర్జీ. అప్పటికే ఆమె లెజండరీ నిర్మాత యశ్ చోప్రా కుమారుడు ఆదిత్య చోప్రాతో ప్రేమలో ఉన్నారు. దాంతో ఇద్దరూ పెళ్లి చేసుకోవాలని నిర్ణయించుకున్నారు. ఎక్కడ మీడియా వర్గాల కళ్లకు తమ పైనే ఉంటాయోనని భావించి 2014 ఏప్రిల్ 21న ఇటలీలో రహస్యంగా వివాహం చేసుకున్నారు. వీరికి 2018లో ఆడపిల్ల పుట్టింది. పాపకు తన పేరు తన భర్త పేరు కలిసేలా అధీరా అని నామకరణం చేశారు. ఇక ఆదిత్య చోప్రాను పెళ్లి చేసుకోవడంతో రాణీ ముఖర్జీ సినిమాలకు గుడ్బై చెప్పేసినట్లే అనుకున్నారు చాలా మంది. కానీ ‘హిచ్కీ’ అనే విభిన్నమైన కాన్సెప్ట్తో తెరకెక్కిన సినిమాలో నటించిన తన సెకండ్ ఇన్నింగ్స్ను మొదలుపెట్టారు. ఈ సినిమా రూ.100 కోట్ల క్లబ్లో చేరి అందరినీ ఆశ్చర్యపరిచింది.
from Telugu Movie News | Movie News in Telugu | Movie Gossips in Telugu https://ift.tt/2mZ3UP5
v
No comments:
Post a Comment