కోల్కత్తాలోని రణఘాట్ రైల్వే స్టేషన్లో లెజెండరీ గాయని పాడిన ‘ఏక్ ప్యార్ నగ్మా హై’ అనే పాట పాడి ఇప్పుడు బాలీవుడ్ సినిమాల్లో పాటలు పాడే అవకాశం దక్కించుకున్నారు రణు మోండల్. ఈ విషయం తెలిసి తాజాగా లతా మంగేష్కర్ మీడియా ద్వారా స్పందించారు. అయితే ఆమె స్పందన పలువురిని షాక్కు గురిచేస్తోంది. ‘నా పేరు వాడుకుని ఎవరైనా బాగుపడ్డారంటే అది కచ్చితంగా నా అదృష్టంగా భావిస్తాను. కానీ ఒకరిని అనుకరించి దాని నుంచి పేరు తెచ్చుకుంటే మాత్రం అది ప్రతిభ అనిపించుకోదు. రణు నా పాటను నాలా పాడేందుకు ప్రయత్నించి పాపులర్ అయ్యారు. ఆ విజయం ఎంతో కాలం నిలవదు. కిశోర్ కుమార్, మహమ్మద్ రఫి, ఆశా భోంస్లే పాడిన పాటలతో ఈ తరం గాయకులు పేరు తెచ్చుకోవాలనుకుంటే ఆ పేరు కొంతకాలమే ఉంటుంది. ఈ కాలంలోని పిల్లలు నా పాటలను చాలా బాగా పాడుతున్నారు. అలా పాడి విజయం తెచ్చుకున్నవారు ఎంత మంది ఉన్నారో మీరు లెక్కేసి చెప్పగలరా? అలా సక్సెస్ అయివారిలో నాకు సునిధి చౌహాన్, శ్రేయా ఘోషల్ల పేర్లు మాత్రమే గుర్తున్నాయి. కాబట్టి మీ ఒరిజినాలిటీని నమ్ముకోండి. నా పాటలను పాడొద్దు అని నేను అనడం లేదు. ఒకవేళ అలా పాపులారిటీ తెచ్చుకుంటే భవిష్యత్తులో వారి సొంత పాటలతో సక్సెస్ సాధించేలా ఉండాలి. ఉదాహరణకు నా సోదరి ఆశా భోంస్లేనే తీసుకోండి. తన సొంత పాటలతో విజయం సాధించపోయి ఉంటే మాత్రం ఎప్పటికీ నా నీడలోనే ఉండిపోయి ఉండేది. సొంత ప్రతిభ ఎంతటి విజయం సాధించి పెడుతుందని చెప్పడానికి ఆశా కెరీరే నిదర్శనం’ అని వెల్లడించారు. ఇప్పటికే పాత పాటలన్నీ రీమిక్స్లు చేస్తున్నారని లతా మంగేష్కర్ ఆగ్రహం వ్యక్తం చేస్తున్నారు. అలనాటి గాయకులు రఫీ, కిశోర్ కుమార్ వంటి వారు పాడిన పాటలను రీమిక్స్లుగా మార్చి కొత్త పాటలుగా ప్రేక్షకులకు పరిచయం చేస్తున్నారని ఆమె మండిపడుతున్నారు. ‘మేం పాడిన పాటలను చాలా కేర్ తీసుకుని ట్రాక్ రూపొందించేవారు. అలాంటి ఆణిముత్యాల్లాంటి పాటలను రీమిక్స్ పేరుతో నాశనం చేయడం సరికాదు. అలా చేసే ముందు కనీసం మమ్మల్ని ఎవ్వరూ ఒక్క మాట కూడా అడగడంలేదు. ఇది సరైన పద్ధతే అంటారా?’ అని ఆగ్రహం వ్యక్తం చేశారు.
from Telugu Movie News | Movie News in Telugu | Movie Gossips in Telugu https://ift.tt/2zIhSrs
v
No comments:
Post a Comment