‘బిగ్ బాస్’లో నన్ను టార్చర్ చేశారు.. పోలీసులకు నటి ఫిర్యాదు

ప్రపంచంలోనే అతిపెద్ద రియాలిటీ షోగా చెప్పుకుంటోన్న ‘బిగ్ బాస్’ ఇండియాలోనూ విపరీతంగా ప్రేక్షకాదరణ పొందుతోంది. దక్షిణాది భాషలు తెలుగు, తమిళం, కన్నడలో ‘బిగ్ బాస్’ ప్రసారమవుతోంది. ప్రస్తుతం తెలుగు, తమిళంలో సీజన్ 3 నడుస్తోంది. తెలుగులో ఈ షోను కింగ్ నాగార్జున హోస్ట్ చేస్తుండగా.. తమిళంలో లోకనాయకుడు కమల్ హాసన్ నడిపిస్తున్న సంగతి తెలిసిందే. ఇదిలా ఉంటే, తమిళ బిగ్ బాస్ సీజన్ 3 నుంచి గత నెల ఎలిమినేట్ అయిన ఈ రియాలిటీ షోపై తాజాగా పోలీసులకు ఫిర్యాదు చేశారు. బిగ్ బాస్ హౌస్‌లో ఉన్నప్పుడు తన సహచర కంటెస్టెంట్లు తనను హింసించారని, షో నుంచి తనను బలవంతంగా బయటికి పంపేశారని ఫిర్యాదులో మధుమిత పేర్కొన్నారు. అంతేకాకుండా కమల్ హాసన్‌పై కూడా ఆరోపణలు చేశారు. హౌస్‌లో తనను అంతా టార్చర్ పెడుతున్నా హోస్ట్‌గా ఉన్న కమల్ హాసన్ చూసీచూడనట్టు వ్యవహరించారని, ఈ వివాదాన్ని ఆయన పెడచెవిన పెట్టారని ఫిర్యాదులో పేర్కొన్నారు. వాస్తవానికి మధుమిత బిగ్ బాస్ హౌస్‌లో ఆత్మహత్యాయత్నానికి పాల్పడ్డారు. హౌస్‌లో కెప్టెన్‌గా ఉన్న సమయంలో మిగిలిన సభ్యుల నుంచి ఆమెకు తీవ్ర వ్యతిరేకత వచ్చింది. ఆమెపై రకరకాలుగా వాళ్లు ఆరోపణలు చేశారు. వీటిని తట్టుకోలేక ఆమె సూసైడ్ అటెప్ట్ చేసింది. అదే వారం ఆమెను షో నుంచి ఎలిమినేట్ చేశారు. ఈ విషయంలో స్టార్ విజయ్ టీవీ కూడా మధుమితపై పోలీసు కేసు పెట్టింది. అయితే, తనపై విజయ్ టీవీ తప్పుడు కేసు పెట్టిందని రెండు వారాల క్రితం మధుమిత ప్రెస్ మీట్ పెట్టి మరీ చెప్పారు. అలాగే, తనకు ఒప్పందం ప్రకారం రావాల్సిన మొత్తాన్ని కూడా ఈ ఛానెల్ చెల్లించలేదని ఆరోపించారు. ఇప్పుడు ఏకంగా బిగ్ బాస్ షోపైనే పోలీసు కేసు పెట్టారు. అయితే, తను ఆత్మహత్య చేసుకోవడానికి అసలు కారణం ఏంటని మధుమితను జర్నలిస్టులు చాలా సార్లు ప్రశ్నించారు. ఈ విషయంలో విజయ్ టీవీ ప్రెస్ మీట్ పెట్టి ఈ ఘటన వెనుక ఉన్న అసలు నిజాలను బయటపెడతామని తనకు ప్రామిస్ చేసినట్టు మధుమిత వెల్లడించారు. కానీ, ఈ విషయంలో విజయ టీవీ ఇప్పటి వరకు స్పందించలేదు.

from Telugu Movie News | Movie News in Telugu | Movie Gossips in Telugu https://ift.tt/2PIO1dl
v