కన్నడ నటి కుట్టి రాధిక.. అంటే ఎవరు అని ఆలోచిస్తున్నారా? అదేనండి కర్ణాటక మాజీ ముఖ్యమంత్రి హెచ్డీ కుమార స్వామి భార్య. ఓహో.. రాధికా కుమారస్వామి అంటే మీకు అర్థమై ఉండేది కదూ. వాస్తవానికి కన్నడ సినీ పరిశ్రమలో ఆమె కుట్టి రాధికగానే ఫేమస్. కాకపోతే ఆమె కుమారస్వామి రహస్య వివాహం చేసుకోవడం.. ఆ తరవాత ఆయన సీఎం కావడంతో సీఎం గారి భార్య రాధికా కుమారస్వామి అయిపోయారు. సరే.. టాపిక్ డైవర్ట్ అవుతోంది. 2002లో కన్నడ ఇండస్ట్రీలో హీరోయిన్గా అడుగుపెట్టిన కుట్టి రాధిక.. ఆ తరవాత సంవత్సరం తమిళంలో వచ్చిన ‘ఇయర్కై’ చిత్రంతో గుర్తింపు తెచ్చుకున్నారు. ఈ సినిమా ఉత్తమ తమిళ చిత్రంగా ఆ ఏడాది జాతీయ అవార్డును అందుకుంది. ఆ తరవాత తమిళంలో శ్రీకాంత్ (శ్రీరామ్) సరసన ‘మీసై మాధవన్’, ‘సొల్లట్టుమా’ చిత్రాల్లో రాధిక నటించారు. తెలుగులో ‘భద్రాద్రి రాముడు’ చిత్రంలో హీరోయిన్గా నటించారు. కన్నడలో కొన్ని క్రేజీ చిత్రాల్లో నటించి భారీగా ఫాలోయింగ్ సంపాదించుకున్నారు. ఆ సమయంలోనే కుమారస్వామిని రహస్య వివాహం చేసుకోవడం సంచలనమైంది. పెళ్లి తర్వాత నటనకు స్వస్తి చెప్పి కొన్ని చిత్రాలకు నిర్మాతగానూ వ్యవహరించిన రాధిక.. మళ్లీ ఈ ఏడాది నుంచి రెండో ఇన్నింగ్స్ను మొదలుపెట్టారు. ఈ ఏడాది కన్నడలో నాలుగు సినిమాలను అంగీకరించారు. అందులో ప్రధానమైనది ‘దమయంతి’. ‘అరుంధతి’, ‘భాగమతి’ తరహా భారీ హారర్ థ్రిల్లర్ చిత్రమిది. వాస్తవానికి ఇది అనుష్క నటించాల్సిన చిత్రమే.. కారణాలేమిటో తెలియవు కానీ రాధికా దగ్గరకు వచ్చింది. నవరసన్ ఈ చిత్రానికి దర్శకత్వం వహిస్తున్నారు. దక్షిణాదిలోని అన్ని భాషల్లో విడుదలవుతోన్న ఈ చిత్రం తెలుగులో ‘సంహారిణి’ పేరుతో వస్తోంది. Also Read: శ్రీ లక్ష్మి వృషాద్రి ప్రొడక్షన్స్ సమర్పణలో జీఈ గీతా ఎంటర్టైన్మెంట్స్ పతాకంపై ఈ చిత్రాన్ని నిర్మిస్తున్నారు. కాగా, శుక్రవారం ‘సంహారిణి’ టీజర్ను విడుదల చేశారు. ఈ టీజర్లో రాధికా చాలా గంభీరంగా కనిపిస్తున్నారు. ఇంచుమించుగా ‘అరుంధతి’ స్థాయిలోనే టీజర్ కనిపిస్తోంది. కానీ, విలన్ పాత్ర తేలిపోయినట్టు అనిపిస్తోంది. ఈ చిత్రానికి ఆర్.ఎస్. గణేష్ నారాయణ్ సంగీతం సమకూరుస్తున్నారు. పీ.కె.హెచ్ దాస్ సినిమాటోగ్రఫీ అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2M2llag
v
No comments:
Post a Comment