నాగార్జున ఎఫెక్ట్.. ఆ సినిమాను ఆపేసిన వెంకటేష్!

టాలీవుడ్ అగ్రహీరోలు వెంకటేష్, కేవలం స్నేహితులు మాత్రమే కాదు బంధువులు కూడా. గతంలో కొన్ని కారణాల వల్ల కాస్త ఎడమొహం పెడమొహంగా ఉంటూ వచ్చినా ఈమధ్య మళ్ళీ చాలా క్లోజ్‌గా ఉంటున్నారు. పబ్లిక్ ఫంక్షన్స్‌లో కూడా కలివిడిగా కనిపిస్తూ జోక్స్ వేసుకుంటున్నారు. అయితే, ఇప్పుడు నాగార్జున చేసిన ఒక సినిమా వల్ల తాను చెయ్యాలి అనుకున్న సినిమాని ఆపేసినట్టు తెలుస్తుంది. పూర్తివివరాల్లోకి వెళితే.. బాలీవుడ్‌లో అజయ్ దేవగణ్, రకుల్ ప్రీత్ సింగ్, టబు ప్రధాన పాత్రల్లో ‘దే దే ప్యార్‌దే’ అనే సినిమా వచ్చిన సంగతి తెలిసిందే. ముందు ఈ సినిమా మామూలుగానే ఉంది అని టాక్ వచ్చింది. కానీ, తరువాత మాత్రం భారీ వసూళ్లు దక్కాయి. దాంతో ఆ సినిమాని తెలుగులో వెంకటేష్‌తో రీమేక్ చేస్తే బావుంటుంది అనే మాట వినిపించింది. వెంకటేష్ కూడా ఆ సినిమా చూసి రీమేక్‌కి గ్రీన్ సిగ్నల్ ఇచ్చేసారు. దాంతో డైరెక్టర్ శ్రీవాస్ తెలుగు నేటివిటీకి కావాల్సిన మార్పులు చేర్పులు చేసి బౌండెడ్‌ స్క్రిప్ట్‌తో వెంకీని కలిసారు. శ్రీవాస్ స్క్రిప్ట్ విన్న వెంకీ ఆ సినిమా చెయ్యకూడదు అనే డెసిషన్‌కి వచ్చేసినట్టు సమాచారం. దానికి కారణం ఆ సినిమా స్క్రిప్ట్ నచ్చక కాదు. రీసెంట్‌గా రిలీజ్ అయిన నాగార్జున ‘మన్మథుడు 2’ సినిమా డిజాస్టర్‌గా మిగిలిన సంగతి తెలిసిందే. సినిమాలు ప్లాప్ అవ్వడం కామనే. కానీ, ఆ సినిమా ప్లాప్ అవ్వడంతో పాటు నాగార్జునకి ఈ వయసులో అంత ఘాటు రొమాన్స్, ఆ డబుల్ మీనింగ్ డైలాగ్స్ అవసరమా అని విపరీతమయిన ట్రోలింగ్ నడించింది. ‘దే దే ప్యార్‌దే’ సినిమాలో కూడా వయసు మీద పడిన హీరోకి, యంగ్ హీరోయిన్‌కి మధ్య కాస్త ఘాటైన రొమాన్స్ ఉంటుంది. దానికి స్క్రిప్ట్‌లో ఇంపార్టెన్స్ కూడా ఉంది. కాబట్టి దాన్ని మార్చడం కుదరదు. కళ్ళముందు ‘మన్మథుడు 2’కి వచ్చిన ఫీడ్‌బ్యాక్ కనిపిస్తుంది. అందుకే ఈ రీమేక్ సినిమా చేసి ఫ్యామిలీ ఆడియన్స్‌లో, క్లాస్ ఆడియన్స్‌లో తనకి ఉన్న క్లీన్ ఇమేజ్‌ని చెడకొట్టుకోవడం ఎందుకు అని వెంకీ తన సన్నిహితులతో అన్నట్టు తెలుస్తుంది. కష్టపడి బౌండెడ్ స్క్రిప్ట్ తయారుచేసుకొచ్చిన శ్రీవాస్‌కి ఒక మంచి కథతో వస్తే సినిమా చేద్దాం అని చెప్పారట వెంకీ. మరోవైపు, ‘వెంకీమామ’ షూటింగ్ కూడా పూర్తయిపోవడంతో పెండింగ్‌లో ఉన్న నక్కిన త్రినాథరావు ప్రాజెక్ట్‌ని ముందుకు తీసుకొస్తున్నారు వెంకీ. ఆ సినిమా కథ కూడా పకడ్బంధీగా ఉండడంతో వచ్చేనెల మొదటివారంలోనే ఓపెనింగ్ చెయ్యబోతున్నారు. మొత్తంగా చూసుకుంటే, నాగార్జున సినిమా ఫలితం చూసి తాను చెయ్యాలి అనుకున్న సినిమాని వెంకటేష్ పక్కనబెట్టేశారని ప్రస్తుతం ఇండస్ట్రీ టాక్.

from Telugu Movie News | Movie News in Telugu | Movie Gossips in Telugu https://ift.tt/2PW0fiS
v