న్యూయార్క్ వీధుల్లో మిల్కీబ్యూటీ.. పఫ్ స్లీవ్ పొట్టి డ్రెస్‌లో స్టైలిష్‌గా..!

ప్రస్తుతం న్యూయార్క్‌ సిటీ వీధుల్లో చక్కర్లు కొడుతోంది. ‘ది రంగ్ షో’లో భాగంగా న్యూయార్క్ వెళ్లిన తమన్నా.. రద్దీగా ఉండే టైమ్ స్క్వేర్ వద్ద ఒక క్రియేటివ్ ఫొటోషూట్ చేసింది. ఈ ఫొటోషూట్‌లోని కొన్ని ఫొటోలను ఇన్‌స్టాగ్రామ్ ద్వారా అభిమానులతో పంచుకుంది. ఈ ఫొటోల్లో నలుపు, పసుపు రంగు గడులతో ఉన్న డ్రెస్‌లో తమన్నా కనిపించింది. పఫ్ స్లీవ్‌తో ఉన్న ఆ పొట్టి డ్రెస్‌లో తమన్నా చాలా స్టైలిష్‌గా కనిపిస్తోంది. Also Read: సద్గురు జగ్గీ వాసుదేవ్ తలపెట్టిన ‘కావేరీ కాలింగ్’ సామాజిక కార్యక్రమానికి నిధులు చేకూర్చడంలో భాగంగా చేపట్టిన ‘ది రంగ్ షో’లో తమన్నా పాలుపంచుకుంది. మలైకా అరోరా, రెమో డిసౌజాలతో కలిసి ఈ మ్యూజికల్ డ్యాన్స్ షోలో తమన్నా పాల్గొంది. ఈనెల 14 బోస్టన్‌లో, 15న ట్రెంటన్‌లో ప్రదర్శన ఇచ్చింది. 21న వాషింగ్టన్ డి.సి.లో, 22న న్యూజెర్సీలో ప్రదర్శన ఇవ్వనుంది. వాషింగ్టన్ షోకు ఇంకా సమయం ఉండటంతో ప్రస్తుతం న్యూయార్క్ సిటీలో చక్కర్లు కొడుతోంది. ఇక, సినిమాల విషయానికి వస్తే తమన్నా ప్రస్తుతం ‘సైరా’లో నటించింది. తాజాగా విడుదలైన ‘సైరా’ ట్రైలర్‌లో ఆమె లక్ష్మి పాత్రలో కనిపించింది. ‘‘లక్ష్మి అనే నా పేరు ముందు నరసింహ అనే మీ పేరు ఇవ్వండి చాలు’’ అంటూ ఎమోషనల్ డైలాగ్ చెప్పింది. మొత్తం మీద ‘బాహుబలి’ తరవాత మళ్లీ అలాంటి చిత్రంలో తమన్నా ఒక పాత్రలో నటించింది. అయితే, తమన్నా పాత్ర నిడివి తక్కువేనన్నది తాజా సమాచారం. ఇదిలా ఉంటే, తమన్నా ప్రధాన పాత్రలో నటించిన ‘దటీజ్ మహాలక్ష్మి’ విడుదల కావాల్సి ఉంది. బాలీవుడ్ సూపర్ హిట్ మూవీ ‘క్వీన్’కు ఇది రీమేక్.

from Telugu Movie News | Movie News in Telugu | Movie Gossips in Telugu https://ift.tt/2NqSvTN
v