అదేంటి.. రణ్బీర్ కపూర్, ఆలియా భట్లకు పెళ్లి అయిపోయిందా? పైనున్న ఫొటో చూస్తే కచ్చితంగా అలాగే అనిపిస్తుంది. మీడియా కళ్లు గప్పి పెళ్లి చేసుకునేంత సీన్ వీరిద్దరికీ లేదు. అది ఓ అభిమాని రూపొందించిన పోస్టర్. ఇటీవల ఆలియా మోహే కలెక్షన్స్ అనే బ్రాండ్ రూపొందించిన కమర్షియల్ యాడ్లో ఆలియా నటించారు. పెళ్లి కూతురిలా తయారై వరుడి మెడలో దండ వేస్తున్నట్లుగా దానిని రూపొందించారు. అయితే రణ్బీర్ కపూర్ డైహార్డ్ ఫ్యాన్ ఒకరు ప్రకటనలో ఆలియాకు జోడీగా నటించిన వ్యక్తి ఫొటో స్థానంలో రణ్బీర్ ఫొటోను అమర్చాడు. దాంతో వీరిద్దరూ నిజంగానే పెళ్లి చేసుకున్నారని కొందరు నెటిజన్లు పొరబడ్డారు. మరోపక్క రణ్బీర్, ఆలియాల ప్రేమ రోజురోజుకీ బలపడుతోంది. కానీ ఏ విషయం అన్నది ఇద్దరూ తేల్చడంలేదు. రణ్బీర్ పక్కనుంటే తనకు మేఘాల్లో తేలిపోతున్నట్లుగా ఉంటుందని ఒకానొక సందర్భంలో ఆలియా అన్నారు. మరోసారేమో.. రణ్బీర్ తనకు కేవలం స్నేహితుడు మాత్రమేనని అన్నారు. మరోపక్క వీరిద్దరికీ పెళ్లి చేయాలని ఇరు కుటుంబాలు నిర్ణయించుకున్నాయట. ఇటీవల రణ్బీర్.. ఆలియాను తనకు ఇచ్చి పెళ్లి చేయండి అని అడగేందుకు ఆలియా ఇంటికి వెళ్లారట. ఆ సమయంలో రణ్బీర్ ఒకింత భావోద్వేగానికి గురయ్యారట. ‘బ్రహ్మాస్త్ర’ సినిమా చిత్రీకరణ సమయంలో రణ్బీర్, ఆలియా డేటింగ్ చేయడం మొదలుపెట్టారు. అప్పటి నుంచి తరచూ విహారయాత్రలకు కలిసి వెళ్లడం, పార్టీలకు వెళ్లడం వంటివి చేస్తూ కనిపించారు. ఇటీవల రిలయన్స్ ఇండస్ట్రీస్ అధినేత ముఖేశ్ అంబానీ ఇంట్లో జరిగిన వినాయక చవితి వేడుకకు కూడా ఆలియా, రణ్బీర్ కలిసే వెళ్లారు. ఆ సమయంలో ఆలియా కాలు జారి పడబోతుంటే రణ్బీర్ పట్టుకున్న వీడియో కూడా సోషల్ మీడియాలో వైరల్ అవుతోంది. మొత్తానికి బ్రహ్మాస్త్ర సినిమా విడుదలయ్యే వరకు వీరిద్దరూ ఏ విషయం అన్నది తేల్చేలా లేరు. ఎవరికి తెలుసు.. బాలీవుడ్ జంట దీపిక పదుకొణె, రణ్వీర్ సింగ్లా ఒకేసారి శుభలేఖలను సోషల్ మీడియా పోస్ట్ చేసి అసలు విషయం చెప్పినట్లుగానే ఆలియా, రణ్బీర్ కూడా తమ పెళ్లి గురించి అలాగే ప్రకటిస్తారేమో..!
from Telugu Movie News | Movie News in Telugu | Movie Gossips in Telugu https://ift.tt/34o2E9h
v
No comments:
Post a Comment