‘సాహో’ ఫస్ట్ వీక్ కలెక్షన్: నాలుగో స్థానం.. ఇదీ ప్రభాస్ స్టామినా!

ఇండియాస్ బిగ్గెస్ట్ యాక్షన్ మూవీ ‘సాహో’ బాక్సాఫీసు వద్ద ఇప్పటికీ డీసెంట్ కలెక్షన్స్‌ రాబడుతోంది. బాలీవుడ్‌ బాక్సాఫీసు వద్ద సైతం బాగా పెర్ఫార్మ్ చేస్తోంది. తొలి వారం రోజుల్లో ‘సాహో’ హిందీ వర్షన్ రూ.116 కోట్లకు పైగా గ్రాస్ వసూలు చేసింది. విడుదలైన తొలి ఆదివారం రికార్డు స్థాయిలో కలెక్షన్లు రాబట్టి సల్మాన్, అక్షయ్, షాహిద్ కపూర్‌లపై పైచేయి సాధించిన .. వారం రోజుల తరవాత మాత్రం వెనకబడిపోయారు. బాలీవుడ్‌లో తొలివారం కలెక్షన్స్ ప్రకారం చూస్తే ‘సాహో’ నాలుగో స్థానంలో నిలిచింది. అయినప్పటికీ ‘సాహో’కి అక్కడ ఆదరణ బాగా ఉన్నట్టే. Also Read: బాలీవుడ్ క్రిటిక్, విశ్లేషకుడు తరణ్ ఆదర్శ్ చేసిన ట్వీట్ల ప్రకారం.. ‘సాహో’ హిందీ వర్షన్ తొలి ఏడు రోజుల్లో రూ. 116.03 కోట్ల గ్రాస్ వసూలు చేసింది. శుక్రవారం రూ. 24.40 కోట్లు వసూలు చేసిన ‘సాహో’.. శనివారం రూ. 25.20 కోట్లు, ఆదివారం రూ.29.48 కోట్లు, సోమవారం రూ.14.20 కోట్లు, మంగళవారం రూ.9.10 కోట్లు, బుధవారం రూ.6.90 కోట్లు, గురువారం రూ.6.75 కోట్లు రాబట్టింది. శుక్రవారం నాటి గ్రాస్ తెలియాల్సి ఉంది. ఇక, మరో ట్వీట్‌లో 2019లో విడుదలై తొలివారం అత్యధిక వసూళ్లు రాబట్టిన టాప్ 5 చిత్రాల వివరాలను తరణ్ ఆదర్శ్ వెల్లడించారు. ఈ వివరాల ప్రకారం సల్మాన్ ఖాన్ మూవీ ‘భారత్’ అత్యధికంగా రూ.180.05 కోట్లు వసూలు చేసింది. అయితే, ఈ మొత్తం 9 రోజుల్లో ఈ చిత్రం రాబట్టింది. ఇక రెండో స్థానంలో షాహిద్ కపూర్ ‘కబీర్ సింగ్’ ఉంది. ఈ సినిమా ఏడు రోజుల్లో రూ.134.42 కోట్లు వసూలు చేసింది. మూడో స్థానాన్ని అక్షయ్ కుమార్ ‘మిషన్ మంగళ్’ ఆక్రమించింది. ఈ సినిమా 8 రోజుల్లో రూ.128.16 కోట్లు కొల్లగొట్టింది. నాలుగో స్థానంలో ‘సాహో’ (హిందీ), ఐదో స్థానంలో ‘కేసరి’ (8 రోజుల్లో రూ.105.86 కోట్లు) ఉన్నాయి. ఏదేమైనా ఇప్పటికే పాన్ ఇండియా స్టార్‌గా పిలుపించుకుంటున్న ప్రభాస్.. టాప్ 5 జాబితాలో నిలిచి తన స్టామినా ఏంటో నిరూపించారు. సినిమాకు నెగిటివ్ టాక్ బాగా స్పెడ్ అయినా ప్రభాస్ ఇమేజ్‌తో ఈ స్థాయిలో కలెక్షన్స్‌ వచ్చాయన్న విషయాన్ని ప్రతి ఒక్కరు అంగీకరించక తప్పదు. ‘సాహో’ ప్రపంచ వ్యాప్తంగా అన్ని భాషల్లో తొలి వారం రోజుల్లో రూ.370 కోట్లకు పైగా గ్రాస్ వసూలుచేసింది.

from Telugu Movie News | Movie News in Telugu | Movie Gossips in Telugu https://ift.tt/312eBPZ
v