సినిమాల్లో రాణించలేకపోయినా ట్వింకిల్ ఖన్నాకు చాలా మంది అభిమానులు ఉన్నారు. బాలీవుడ్ నటుడు అక్షయ్ కుమార్ భార్యగానే కాకుండా రచయిత్రి, కాలమిస్ట్గా మంచి పేరు తెచ్చుకున్నారు. అంతేకాదు నిర్మాతగానూ ఆమె తన సత్తాను నిరూపించుకున్నారు. ఇప్పుడు ఇంకాస్త కొత్తగా ఏదన్నా చేయాలని నిర్ణయించుకున్నారు. అందుకే ట్వీ్క్ పేరుతో డిజిటల్ కంటెంట్ పోర్టల్ను ప్రారంభించారు. ఈ పోర్టల్ ద్వారా ఇండస్ట్రీకి చెందినవారే కాకుండా 25 నుంచి 55 వయసున్న మహిళలు కూడా పాల్గొనవచ్చు. తమ రొటీన్ లైఫ్లో ఎదుర్కొంటున్న సమస్యలను వాటిని ఎలా మార్చుకోవాలి అన్న విషయాలను ఈ షోలో వెల్లడించవచ్చు. ఈ షో గురించి తాజాగా ట్వింకిల్ ఓ ఇంటర్వ్యూలో మాట్లాడారు. ‘మీ భర్తను డైరెక్ట్ చేయాలని అనుకుంటున్నారా?’ అని అడిగారు. ఇందుకు ట్వింకిల్ తనదైన సెన్స్ ఆఫ్ హ్యూమర్ను జోడించి స్పందించారు. ‘రియల్ లైఫ్లో నా భర్తను డైరెక్ట్ చేస్తూ ఉంటాను. అదే నాకు పెద్ద పని. ఇంట్లోనే వేగలేకపోతున్నానంటే ఇక రియల్ లైఫ్లో కూడానా. నా వల్ల కాదు’ అన్నారు. అలనాటి నటులు రాజేశ్ ఖన్నా, డింపుల్ ఖన్నా కుమార్తె అయిన డింపుల్.. 1995లో వచ్చిన ‘బర్సాత్’ అనే సినిమాతో తన కెరీర్ను ప్రారంభించారు. కానీ సినిమాతో ఆమెకు యాక్టింగ్ కెరీర్ అంతగా కలిసిరాలేదు. బాలీవుడ్లో వరుసగా సినిమాలు చేసుకుంటూ వచ్చారు కానీ ఏ సినిమా ఆమెకు బ్రేక్ ఇవ్వలేదు. దాంతో కనీసం తెలుగులో అయినా తనకు కలిసొస్తుందేమో అనుకున్నారు. అలా 1999లో వచ్చిన ‘శీను’ సినిమాలో వెంకటేశ్కు జోడీగా నటించారు. ఇక్కడ కూడా రాణించలేకపోయారు. ఆ తర్వాత అక్షయ్ కుమార్ను ప్రేమించి పెళ్లి చేసుకున్నారు. ఇక యాక్టింగ్ తన వల్ల కాదనుకుని తన భర్త నటించే సినిమాలకు నిర్మాతగా వ్యవహరించడం మొదలుపెట్టారు. ట్వింకిల్ నటిగా కంటే కాలమిస్ట్గా ప్రేక్షకులకు సుపరిచితురాలు. ఆమె రాసిన మొదటి పుస్తకం ‘మిసెస్ ఫన్నీ బోన్స్’కు విపరీతమైన పాపులారిటీ వచ్చింది. అప్పుడప్పుడూ పాపులర్ ఇంగ్లీష్ న్యూస్ పేపర్లలో ట్రెండింగ్ టాపిక్స్పై తన అభిప్రాయాలను వెల్లడిస్తూ ఉంటారు.
from Telugu Movie News | Movie News in Telugu | Movie Gossips in Telugu https://ift.tt/2n8b2sr
v
No comments:
Post a Comment