నేనే నరేంద్ర మోదీ అయితే... బాలీవుడ్ నిర్మాత కరణ్ జోహార్ వ్యాఖ్యలు

బాలీవుడ్‌లో మెస్ట్ సక్సెస్‌ఫుల్ ప్రొడ్యూసర్స్‌లో ఒకరు. ఆయనకు చెందిన ధర్మ ప్రొడక్షన్స్ సంస్థ భారతదేశంలోని అతిపెద్ద నిర్మాణ సంస్థల్లో ఒకటి. ఈ నిర్మాణ సంస్థ నుంచి ఎన్నో విజయవంతమైన సినిమాలు వచ్చాయి. కాగా.. శుక్రవారం కరణ్ జోహార్ ఇండియా టుడే కాంక్లేవ్‌లో పాల్గొన్నారు. తన కెరీర్ గురించి, ప్రధాని నరేంద్ర మోదీ గురించి ఆసక్తికరమైన విషయాలను పంచుకున్నారు. ‘నేనే గనక నరేంద్ర మోదీనైతే ఇప్పుడేం చేస్తున్నానో అదే పని చేసుకుంటూ పోతాను’ అన్నారు. అంటే దేశం కోసం మోదీ ఎన్నో మంచి పనులు చేస్తున్నారని, మున్ముందు కూడా ఆయన ఇలాగే దేశాన్ని అభివృద్ధి బాటలో నడిపించాలన్నది కరణ్ ఉద్దేశం. అనంతరం బాలీవుడ్ సూపర్ హిట్ జంట షారుక్ ఖాన్, కాజోల్‌లలో ఎవరు బెటర్ యాక్టర్ అని ప్రశ్నించగా.. ‘షారుక్ ఖాన్’ అని ఠక్కున చెప్పేశారు. ఒకవేళ మీరు మరో వ్యక్తిలా మారాలనుకుంటే ఎవరిలా మారాలనుకుంటున్నారు అని అడగ్గా.. ప్రముఖ అమెరికన్ నటి మెరిల్ స్ట్రీప్‌లా మారాలని అనుకుంటున్నట్లు తెలిపారు. కరణ్ జోహార్ చెప్పే సమాధానాలకు అక్కడున్న విలేకర్లతో పాటు ఆడియన్స్ కూడా పగలబడి నవ్వుకున్నారు. ఎందరో స్టార్ కిడ్స్‌కు మంచి కెరీర్‌ను అందించారు కరణ్ జోహార్. ఆలియా భట్, వరుణ్ ధావన్, అనన్యా పాండే, జాన్వి కపూర్‌లకు కరణ్ జోహార్ ఓ మెంటార్‌గా నిలిచారు. ఇప్పుడు వీరంతా కెరీర్ పరంగా మంచి పొజిషన్‌లో ఉన్నారు. దాంతో కరణ్ జోహార్‌కు నెపోటిజం (బంధుప్రీతి) ఎక్కువ అని ఎందరో నెటిజన్లు అభిప్రాయపడ్డారు. ముఖ్యంగా బాలీవుడ్ నటి కంగనా రనౌత్.. కరణ్ హోస్ట్ చేసిన ‘కాఫీ విత్ కరణ్’ షోలో ఆయన ముందే ‘నువ్వు నెపోటిజంకి పెట్టింది పేరు’ అనేశారు. దాంతో కరణ్, కంగనకు మధ్య కొంతకాలం పాటు కోల్డ్ వార్ నడిచింది. కంగన చెప్పింది నిజమే అంటూ ఎందరో నెటిజన్లు ఆమెకు మద్దతుగా నిలిచారు. కరణ్ స్టార్ కిడ్స్‌కు తప్ప బయటి వారికి అవకాశాలు ఇవ్వరని, అసలు ఇండస్ట్రీలో ఎదగనివ్వరని చాలా మంది కామెంట్లు చేశారు. ఓసారి వీటిపై కరణ్ స్పందిస్తూ.. ‘నేను స్టార్ కిడ్స్‌కి సాయం చేస్తానన్న మాట నిజమే. ఆ తర్వాత ఇండస్ట్రీలో నిలదొక్కుకోవాల్సిన బాధ్యత వారిదే. అయినా నేను స్టార్ కిడ్స్‌కి మాత్రమే సాయం చేస్తానని నిందలేస్తు్న్నారు. ఇప్పటివరకు నా నిర్మాణ సంస్థ నుంచి ఎందరో బయటి దర్శకులను పరిచయం చేశాను. ఎందరో క్యారెక్టర్ ఆర్టిస్ట్‌లకు అవకాశాలు ఇచ్చారు. తెలుగు సినిమాలకు జాతీయ స్థాయిలో ప్రచారం కల్పిస్తున్నాను. మరి వీటి గురించి ఎవ్వరూ ఎందుకు మాట్లాడటం లేదు?’ అని ప్రశ్నించారు.

from Telugu Movie News | Movie News in Telugu | Movie Gossips in Telugu https://ift.tt/30gPyMq
v