'సైరా'సెన్సార్ కంప్లీట్.. బొమ్మ అదుర్స్ అంట!

మెగాస్టార్ సినిమా రిలీజ్ అవుతుంది అంటేనే ప్రేక్షకుల్లో ఒక రేంజ్‌లో అంచనాలు ఉంటాయి. అలాంటిది పాతికేళ్లుగా చిరు ఎదురుచూస్తున్న ఒక మహాయోధుడి గాధను వెండితెరపై వెలుగులు విరజిమ్మేలా ఆవిష్కరిస్తే, ఆ స్వాతంత్య్రపోరాటం రోమాలు నిక్కబొడుచుకునేలా ఉంటుంది అని ట్రైలర్ ముందే చెప్పేస్తే, చిరంజీవికి తోడుగా అనేకమంది ప్రతిభావంతులయిన నటీనటులు కూడా ఒకే సినిమాలో కలిసి నటిస్తే, ఎక్కడా ఖర్చుకు వెనుకాడకుండా కథను మాత్రమే నమ్మి ఒక ప్రొడ్యూసర్ చేతికి ఎముక లేనట్టుగా ఖర్చుపెట్టి ఒక విజువల్ గ్రాండియర్ తీస్తే ఎలా ఉంటుంది?...ఇక్కడ ప్రశ్నలు చాలా ఉన్నా వాటన్నిటికీ సమాధానం మాత్రం ఒక్కటే. అదే ...సైరా నరసింహారెడ్డి. Also Read: ఈ సినిమాపై కేవలం తెలుగు ప్రేక్షకుల్లోనే కాదు దేశవ్యాప్తంగా భారీ అంచనాలున్నాయి. ఈ సినిమా హిందీ ట్రైలర్‌కి వచ్చిన రెస్పాన్స్ చూస్తే ఆ విషయం అర్ధమవుతుంది. ఈ మధ్యకాలంలో చిరంజీవి హిందీలో సినిమా చెయ్యలేదు. కానీ సైరాకి బాలీవుడ్‌లో సైతం ఒక రేంజ్‌లో క్రేజ్ ఏర్పడింది. ఈ భారీ సినిమాని అతి భారీగా రిలీజ్ చెయ్యడానికి సర్వం సిద్ధం. అందుకే ఈ సినిమాకి లాస్ట్ మినిట్ టెన్షన్ తీసుకోకూడదు అని అప్పుడే సెన్సార్ చేయించేసారు. ఈ పేట్రియాటిక్ సినిమాకి U/A సర్టిఫికెట్ ఇచ్చింది సెన్సార్ బోర్డు. Also Read: అలాగే ఈ సినిమా ఎంత నిడివి ఉండాలి అనే విషయంలో చాలా తర్జనభర్జనలు పడ్డారు ఈ సినిమా టీమ్. లెంగ్త్ ఎక్కువయితే ఉత్తరాది ప్రేక్షకులనుండి ఎలాంటి రెస్పాన్స్ వస్తుంది అని కూడా ఆలోచించారు. కానీ సినిమా ట్రైలర్‌కి వచ్చిన రెస్పాన్స్ తో ముందు నుండి అనుకుంటున్నట్టు 2 గంటల 44 నిముషాల నిడివితో సెన్సార్ ఫార్మాలిటీస్ కంప్లీట్ చేసుకుంది సైరా.ఈ సినిమాకి సెన్సార్ నుండి అదిరిపోయే ఫీడ్ బ్యాక్ వచ్చిందట. ముఖ్యంగా ఎమోషన్ సీన్స్, వాటితరువాత వచ్చే యాక్షన్ ఎపిసోడ్స్ సినిమాకి హైలైట్‌గా నిలుస్తాయి అంటున్నారు. అసలు ట్రైలర్‌లో సైతం టచ్ చెయ్యని పాటలు కూడా ఒక రేంజ్‌లో వచ్చాయట. సైరా గురించి ఇన్నాళ్లు వెయిట్ చేసినందుకు ఆ వెయిటింగ్‌కి తగ్గ గిఫ్ట్‌గా ఈ సినిమా ఉండబోతుంది అని తెలుస్తుంది. Also Read: సెన్సార్ రిపోర్ట్ ప్రకారం అయితే సైరా పక్కా బ్లాక్ బస్టర్ బొమ్మ అనే ప్రచారం సాగుతుంది. గతంలో కూడా చాలా సినిమాలకు సెన్సార్ నుండి వచ్చిన రిపోర్ట్ నిజమయ్యింది కనుక ఈసారి సైరా విషయంలో కూడా అదే జరుగుతుందని, జరగాలని అభిమానులు కోరుకుంటుంన్నారు. ఇక అక్టోబర్ 2న రిలీజ్ అయ్యేందుకు సైరా సర్వం సన్నద్ధం అయ్యింది. ఇక తొలితెలుగు స్వాతంత్య్ర యోధుడి చరిత్రను చూడడానికి ఆ రోజు థియేటర్స్‌కి తరలి వెళ్లాల్సిందే. పాన్ ఇండియా సినిమాగా తెలుగు సినిమా ఖ్యాతిని పెంచేందుకు వస్తున్న సైరా సినిమా టీమ్‌కి ఆల్ ది బెస్ట్.

from Telugu Movie News | Movie News in Telugu | Movie Gossips in Telugu https://ift.tt/2kvDymG
v