ప్రస్తుతం భారీ బడ్జెట్ సినిమాలకు టాలీవుడ్ కేరాఫ్ అడ్రస్గా మారింది. స్టార్ హీరోలు తమ సినిమా బడ్జెట్ను అమాంతం పెంచుకుంటూ పోతున్నారు. దర్శకధీరుడు ఎస్.ఎస్. రాజమౌళి బడ్జెట్ విషయంలో ట్రెండ్ సెట్ చేస్తే దాన్ని మిగిలిన హీరోలు, దర్శకులు ఫాలో అయిపోతున్నారు. ఇటీవలే రూ.350 కోట్ల భారీ బడ్జెట్తో ‘సాహో’ సినిమా వచ్చింది. ఇప్పుడు రూ.270 కోట్లతో ‘సైరా’ వస్తోంది. కానీ, బడ్జెట్ను విపరీతంగా పెంచుకుంటూ పోవడం అంత సేఫ్ కాదని ‘సాహో’ నిరూపించింది. దీంతో ఇప్పుడు అందరి కళ్లు ‘సైరా’పై పడ్డాయి. ఈ విషయాలన్నింటిని ఇప్పుడు నందమూరి బాలకృష్ణ విశ్లేషణ చేసుకున్నంటున్నారు. అందుకే ఆయన భారీ బడ్జెట్ చిత్రాలకు దూరం అంటున్నారు. తన మార్కెట్ పరిధి మేరే తక్కువ బడ్జెట్లో సినిమాలు తీయాలని దృఢంగా నిశ్చయించుకున్నారు. ఇదే మాట ఇప్పుడు ఇండస్ట్రీలో వినబడుతోంది. Also Read: తనతో ‘సింహా’, ‘లెజెండ్’ లాంటి సూపర్ హిట్ చిత్రాలను తీసిన దర్శకుడు బోయపాటి శ్రీనుతో బాలకృష్ణ మరో సినిమాను అంగీకరించిన సంగతి తెలిసిందే. త్వరలోనే ఈ చిత్ర షూటింగ్ ప్రారంభంకానుంది. ఈ సినిమాతో హ్యాట్రిక్ కొట్టాలని బోయపాటి చూస్తున్నారు. దానికి అనుగుణంగానే ఆయన ప్రణాళికలు సిద్ధం చేసుకుంటున్నారు. ఈ ప్రణాళికలో భాగంగా సినిమా బడ్జెట్కు సంబంధించి బోయపాటి ఒక నంబర్ను బాలయ్యకు చెప్పారట. కనీసం 50 నుంచి 60 కోట్ల రూపాయల బడ్జెట్తో ఆ సినిమాను రూపొందించాలని బాలయ్య వద్ద బోయపాటి ప్రతిపాదన పెట్టారట. కానీ, బాలకృష్ణ మాత్రం అందుకు సమ్మతించలేదని సమాచారం. 25 నుంచి 30 కోట్ల రూపాయల బడ్జెట్లో సినిమాను పూర్తిచేయాలని బాలకృష్ణ ఆదేశాలు జారీచేశారని అంటున్నారు. తన మార్కెట్ను దృష్టిలో పెట్టుకుని తక్కువ బడ్జెట్లోనే సినిమాను పూర్తిచేయాలని సూచించారట. Also Read: ఇండస్ట్రీ వర్గాల నుంచి వచ్చిన ఈ సమాచారంలో నిజమెంతో తెలీదు కానీ.. ఇదే వాస్తవం. ఒక హీరో మార్కెట్కు మించి విపరీతంగా డబ్బులు ఖర్చుపెట్టించి సినిమాలు తీస్తే మునిగిపోయేది నిర్మాతలే. కాబట్టి, బాలకృష్ణ నిర్ణయంలో ఎలాంటి తప్పులేదు. నిజానికి నిర్మాత కష్టం ఎలా ఉంటుందో ‘ఎన్టీఆర్ కథానాయకుడు’, ‘ఎన్టీఆర్ మహానాయకుడు’ చిత్రాల ద్వారా బాలయ్యకు అర్థమైనట్టుంది. అందుకే ఒక నిర్మాతగా సహ నిర్మాతల గురించి ఆయన ఆలోచించి ఉంటారు.
from Telugu Movie News | Movie News in Telugu | Movie Gossips in Telugu https://ift.tt/2QeYzB3
v
No comments:
Post a Comment