పవర్ స్టార్.. ఈ సౌండ్కి కొంత మందిలో పూనకం వస్తుంది. .. ఈ పేరు వింటే కొంత మంది రక్తం ఉరకలేస్తుంది. జనసేనాని.. ఈ పేరు చెబితే కొన్ని లక్షల పిడికిళ్లు పైకి లేస్తాయి. మెగా ఫ్యామిలీ నుంచి హీరోగా పరిచయమై కొన్ని కోట్ల మంది అభిమానులను సంపాదించుకున్న పవన్ కళ్యాణ్.. సినిమా ఒక్కటే ప్రపంచం కాదు, ప్రజా సేవలేని జీవితం దండగ అని రాజకీయాల్లోకి అడుగుపెట్టారు. తొలి ప్రయత్నంలో విజయాన్ని అందుకోలేకపోయినా.. సేవకు కొలమానం ప్రజలు వేసే ఓట్లు కాదు అని జనసైనికుల్లో స్ఫూర్తిని నింపుతూ ముందుకెళ్తున్నారు. ప్రజల్లో మమేకమవుతున్నారు. సెప్టెంబర్ 2న పవన్ కళ్యాణ్ పుట్టినరోజు. వాస్తవానికి 15 రోజుల ముందు నుంచే పవన్ పుట్టినరోజు సందడి మొదలైంది. బాబాయ్ బర్త్ డేను పురష్కరించుకుని మూడు రోజుల క్రితం రామ్ చరణ్ కామన్ డీపీని కూడా షేర్ చేశారు. మెగా ఫ్యాన్స్ అంతా ఇదే డీపీని ఫేస్బుక్, ట్విట్టర్లో పెట్టుకున్నారు. ఇంకొన్ని గంటల్లో పవన్ కళ్యాణ్ 48వ ఏట అడుగుపెట్టబోతున్నారు. అయితే, అప్పుడే పవన్ బర్త్ డే మేనియా ట్విట్టర్లో మొదలైపోయింది. ప్రస్తుతం #HappyBirthdayPawanKalyan హ్యాష్ ట్యాగ్ ఇండియాలోనే టాప్-1 ట్రెండింగ్లో ఉంది. కేవలం 37 నిమిషాల్లోనే 10 లక్షల ట్వీట్లు చేశారు. పవన్ కళ్యాణ్పై ట్వీట్ చేస్తే చాలు రీట్వీట్ల మీద రీట్వీట్లు చేస్తున్నారు. ముఖ్యంగా హైపర్ ఆది పేరుతో ఉన్న ట్విట్టర్ అకౌంట్ నుంచి విపరీతంగా రీట్వీట్లు వస్తున్నాయి. ‘‘ఇప్పుడైనా ఎపుడైనా పవన్ కళ్యాణ్ పేరు చెపితే వచ్చే ప్రభంజనం పది తరాల వరకు ఎవరికి అర్థం కానిది ఊహకు అందనిది’’ అంటూ హైపర్ ఆది చేసిన ట్వీట్ను గంట లోపలే మూడు వేల మంది రీట్వీట్ చేశారు. అంటే, పవన్ ట్రెండ్ ఏ స్థాయిలో ఉందో అర్థం చేసుకోండి. ఈ ఒక్క అకౌంట్ నుంచే కాదు.. జనసేనాని ఫ్యాన్స్ అందరూ ట్విట్టర్లో పవన్ మోత మోగిస్తున్నారు. తమ ఆరాధ్య దైవానికి జన్మదిన శుభాకాంక్షలు తెలుపుతున్నారు.
from Telugu Movie News | Movie News in Telugu | Movie Gossips in Telugu https://ift.tt/2NNd2kX
v
No comments:
Post a Comment