బాలీవుడ్ హ్యాండ్సమ్ హీరో హృతిక్ రోషన్ స్టంట్లు గురించి కొత్తగా చెప్పాల్సిన అవసరంలేదు. ‘క్రిష్, ధూమ్’ సినిమాల్లో తన సూపర్ స్టంట్స్ను హృతిక్ ప్రేక్షకులకు రుచి చూపించారు. హృతిక్ తరవాత బాలీవుడ్లో ఎంట్రీ ఇచ్చిన మరో యాక్షన్ హీరో జాకీ ష్రాఫ్ తనయుడు టైగర్ ష్రాఫ్. ఇప్పుడు వీరిద్దరూ కలిసి నటిస్తోన్న భారీ యాక్షన్ చిత్రం ‘వార్’. వాణీ కపూర్ హీరోయిన్గా నటిస్తోంది. యష్ రాజ్ ఫిలింస్ బ్యానర్పై ఆదిత్య చోప్రా నిర్మిస్తున్నారు. సిద్ధార్థ్ ఆనంద్ దర్శకత్వం వహిస్తున్నారు. హై ఆక్టేన్ యాక్షన్ ఎంటర్టైనర్గా తెరకెక్కుతోన్న ఈ చిత్రం టీజర్ ఇటీవల విడుదలైంది. టీజర్లోని హృతిక్, టైగర్ స్టంట్స్ చూసి తెలుగు ప్రేక్షకులు వహ్వా అన్నారు. అయితే, టీజర్లో చూపించింది రవ్వంతేనని, సినిమాలో అసలుసిసలైన విజువల్ వార్ను చూసి ప్రేక్షకులు ముగ్దులైపోతారని దర్శకుడు సిద్ధార్థ్ చెబుతున్నారు. ఈ సినిమా కోసం హృతిక్, టైగర్ రియల్ స్టంట్స్ చేస్తున్నారని చెప్పారు. టీజర్లో కనిపించిన డేంజరస్ బైక్ క్రాష్ సన్నివేశాన్ని వీరిద్దరూ ఎలాంటి డూప్ లేకుండా రియల్గా చేశారని చెప్పారు. అద్దాల కిటికీలో నిజంగానే బద్దలుకొట్టుకుంటూ స్టంట్ చేశారని వెల్లడించారు. ‘‘ఇది చాలా ప్రమాదకరమైన సన్నివేశం. వేరే ఎవ్వరూ చేయలేని రిస్క్ను నా హీరోలు చేశారు. ఈ సన్నివేశం చిత్రీకరణలో వారిద్దరూ స్వల్పంగా గాయపడ్డారు. హృతిక్ సూపర్ బైక్ను రైడ్ చేసుకుంటూ వెళ్తుంటే ఆయన్ని టైగర్ పరిగెత్తుతూ ఛేజ్ చేస్తారు. ఇదొక హై స్పీడ్ బైక్ ఛేజ్. టైగర్ పక్కా టైమింగ్తో హృతిక్ పైకి ఎగిరి వీరిద్దరూ అద్దంతో ఉన్న కిటీకి బద్దలుకొట్టుకుంటూ వెళ్లాలి. ఇలాంటి రిస్కీ షాట్ను చాలా గొప్పగా తీయగలిగాం. ఎలాంటి ప్రమాదం జరగకుండా ముందుగా భద్రతా చర్యలు అన్నీ తీసుకున్నాం. హృతిక్, టైగర్ ఇద్దరూ ఇద్దరే. ఎవ్వరూ తక్కువ కాదన్నట్టు నటిస్తున్నారు. యాక్షన్ సీన్స్ను అద్భుతంగా చేస్తున్నారు’’ అని దర్శకుడు సిద్ధార్థ్ చెప్పారు.
from Telugu Movie News | Movie News in Telugu | Movie Gossips in Telugu https://ift.tt/2KNbl3Z
v
No comments:
Post a Comment