భారతీయులకు ఆగస్టు 15 ఎంతో పవిత్రమైన రోజు. బ్రిటిష్ వారి నుంచి మన స్వాతంత్య్రంను మనం దక్కించుకున్న రోజు. ప్రతి భారతీయుడు గర్వంగా తలెత్తుకుని త్రివర్ణ పతాకానికి మనస్ఫూర్తిగా వందనం చెల్లించే రోజు. అప్పటి వరకు బిజీబిజీగా గడిపే ప్రతి ఒక్కరూ ఆగస్టు 15న వాటన్నిటినీ పక్కన పెట్టి మువ్వన్నెల జాతీయ పతాకాన్ని ఎగరేసి స్వాతంత్య్ర దినోత్సవాన్ని పండుగలా జరుపుకుంటారు. ఇలాంటి పండుగ రోజునే సినిమా వాళ్లు కూడా టార్గెట్ చేస్తుంటారు. స్వాతంత్య్ర దినోత్సవ సంబరాల్లో ఉన్న సినీ ప్రేమికులకు సినిమాల ద్వారా వినోదాన్ని పంచుతారు. అయితే, మెగా అభిమానులకు స్వాతంత్య్ర దినోత్సవానికి ఒక్కరోజు ముందుగానే పండగొస్తోంది. ఆగస్టు 14న తన అభిమానులకు మెగాస్టార్ ఒక మంచి కానుక ఇవ్వబోతున్నారు. చిరంజీవి హీరోగా ప్రతిష్టాత్మకంగా తెరకెక్కుతోన్న భారీ చిత్రం ‘సైరా నరసింహారెడ్డి’. సురేందర్ రెడ్డి దర్శకత్వం వహించారు. కొణిదెల ప్రొడక్షన్ కంపెనీ బ్యానర్పై రామ్ చరణ్ నిర్మించారు. ఈ సినిమా గాంధీ జయంతి సందర్భంగా అక్టోబర్ 2 ప్రేక్షకుల ముందుకు వస్తోంది. అయితే, ఆగస్టు 15న ఈ సినిమా టీజర్ కచ్చితంగా వస్తుందని మెగా ఫ్యాన్స్ భావించారు. వాళ్లు అనుకున్నట్టుగా టీజర్ రాకపోయినా ఒక రోజు ముందుగా అంటే ఆగస్టు 14న ‘సైరా’ మేకింగ్ వీడియోను విడుదల చేస్తున్నారు. 14వ తేదీన మధ్యాహ్నం 3.45 గంటలకు ‘సైరా’ మేకింగ్ వీడియోను విడుదల చేయనున్నట్లు నిర్మాణ సంస్థ కొణిదెల ప్రొడక్షన్ కంపెనీ ప్రకటించింది. ఈ మేరకు ట్వీట్ చేసింది. ఉయ్యాలవాడ నరసింహారెడ్డి పాత్రలో చిరంజీవి నడిచొస్తున్నట్టు ఉన్న పోస్టర్ను కూడా ట్వీట్లో పొందుపరిచింది.
from Telugu Movie News | Movie News in Telugu | Movie Gossips in Telugu https://ift.tt/2TuxXdf
v
No comments:
Post a Comment