‘ఈ నగరానికి ఏమైంది’ చిత్రంతో నటుడిగా పరిచయమైన విశ్వక్ సేన్ సోలో హీరోగా మారి చేసిన చిత్రం ‘ఫలక్నుమా దాస్’. హైదరాబాద్లోని పాతబస్తీ వాతావరణాన్ని ఈ చిత్రం ద్వారా తెరపై ఆవిష్కరించిన విశ్వక్ సేన్ విమర్శలు, ప్రశంసలు రెండూ అందుకున్నారు. పక్కా మాస్ సినిమాతో హీరోగా పరిచయమై తొలి చిత్రంతోనే మంచి గుర్తింపు తెచ్చుకున్నారు. ఇప్పుడు ఈ యంగ్ హీరో ‘పాగల్’గా ప్రేక్షకుల ముందుకు రాబోతున్నారు. ‘టాటా బిర్లా మధ్యలో లైలా’, ‘మేం వయసుకు వచ్చాం’, ‘సినిమా చూపిస్తా మామా’ లాంటి హిట్ సినిమాలు అందించిన లక్కీ మీడియా సంస్థ ఇటీవల యూత్ఫుల్ ఎంటర్టైనర్ ‘హుషారు’తో మరో సూపర్ హిట్ అందుకుంది. ఇప్పుడు ఈ సంస్థ విశ్వక్ సేన్ హీరోగా ‘పాగల్’ అనే సినిమాను నిర్మిస్తోంది. బెక్కం వేణుగోపాల్ నిర్మాత. నరేష్రెడ్డి కుప్పిలి దర్శకుడిగా పరిచయం అవుతున్నారు. క్రేజీ లవ్స్టొరీగా తెరకెక్కనున్న ఈ మూవీ షూటింగ్ సెప్టెంబర్ ద్వితీయార్ధం నుంచి మొదలుకానుంది. చిత్ర ప్రకటన సందర్భంగా నిర్మాత బెక్కం వేణుగోపాల్ మాట్లాడుతూ.. ‘‘ఫలక్నుమా దాస్ లాంటి సూపర్ హిట్తో యూత్లో మంచి ఫాలోయింగ్ సంపాదించిన హీరో విశ్వక్ సేన్తో సినిమా చేయడం ఆనందంగా ఉంది. మా గత చిత్రం ‘హుషారు’ సక్సెస్ మాకు మరిన్ని మంచి చిత్రాలు చేయడానికి, కొత్త వాళ్లను పరిచయం చేయడానికి దోహదపడింది. ఈ మూవీతో మా బ్యానర్ ద్వారా నరేష్రెడ్డి కుప్పిలి అనే మరో యంగ్ డైరెక్టర్ పరిచయమవుతున్నారు. తను చెప్పిన ఇంట్రెస్టింగ్ పాయింట్కు అందరం బాగా కనెక్ట్ అయ్యాం. ఈ ‘పాగల్’ మూవీ బెస్ట్ క్రేజీ లవ్ స్టొరీ అవుతుంది అనడంలో ఎలాంటి సందేహం లేదు. మిగతా వివరాలను త్వరలోనే తెలియజేస్తాం’’ అని అన్నారు.
from Telugu Movie News | Movie News in Telugu | Movie Gossips in Telugu https://ift.tt/2OTiPHX
v
No comments:
Post a Comment