బాలీవుడ్ నటులు , ఆలియా భట్ జంటగా నటించనున్న చిత్రం ‘ఇన్షా అల్లా’. సంజయ్ లీలా భన్సాలీ ఈ సినిమాకు దర్శకత్వం వహించనున్నారు. అయితే ఈ సినిమా ప్రస్తుతానికి ఆగిపోయింది. ఈ విషయాన్ని సినిమాను నిర్మిస్తున్న భన్సాలీ ప్రొడక్షన్స్ సంస్థ సోషల్ మీడియా వేదికగా అధికారికంగా వెల్లడించింది. సూపర్ స్టార్ సల్మాన్ ఖాన్తో సినిమా చేయాలని కలలు కనని కథానాయిక ఉండదంటే అతిశయోక్తి కాదు. ఆయనతో సినిమా చేస్తే చాలు అనుకునే నటీమణులు ఎందరో. ఆ అవకాశం స్టార్ కిడ్ అయిన ఆలియాకు కాస్త ఆలస్యంగానే వచ్చినప్పటికీ నిరాశనే మిగిల్చింది. ప్రస్తుతానికి ఈ సినిమా చిత్రీకరణ ఆగిపోయింది. చిత్రీకరణ ఎప్పటి నుంచి మొదలుపెడతాం అన్న విషయాన్ని కొద్దిరోజుల్లో ప్రకటిస్తామని వెల్లడించింది. ఈ విషయాన్ని సల్మాన్ ఖాన్ కూడా ట్విటర్ వేదికగా ప్రకటించారు. ‘సంజయ్ లీలా భన్సాలీతో చేయాల్సిన సినిమా ప్రస్తుతానికి వాయిదా పడింది. కానీ నేను మిమ్మల్ని 2020 ఈద్కు థియేటర్లో కలుస్తాను’ అని పేర్కొన్నారు. సినిమా ఎందుకు వాయిదా పడిందన్న విషయాన్ని మాత్రం చిత్రబందం ప్రకటించలేదు. దాదాపు ఇరవై ఏళ్ల తర్వాత సల్మాన్.. భన్సాలీతో నటిస్తున్న చిత్రమిది కావడం విశేషం. అందులోనూ ఆలియాతో ఆయన తొలిసారి జతకట్టబోతుండడంతో సినిమాపై ప్రేక్షకుల్లో మరింత ఆసక్తి నెలకొంది. ప్రస్తుతం సల్లూ భాయ్ ‘దబాంగ్ 3’, ‘కిక్ 2’ సినిమాలతో బిజీగా ఉన్నారు. మరోపక్క ఆలియా .. ‘బ్రహ్మాస్త్ర’, ‘ఆర్ ఆర్ ఆర్’ సినిమాల్లో నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2PbuRMS
v
No comments:
Post a Comment