ప్రభాస్ మరో రికార్డ్.. తొలి తెలుగు చిత్రంగా ‘సాహో’

‘అవెంజర్స్’ లాంటి హాలీవుడ్ సినిమాలు.. సల్మాన్ ఖాన్, షారుక్ ఖాన్ లాంటి స్టార్ హీరోలు నటించిన బాలీవుడ్ సినిమాల గురించి ట్విట్టర్‌లో సెర్చ్ చేసినప్పుడు హ్యాష్‌ట్యాగ్ చివర ఒక బొమ్మ వస్తుంది. దాన్నే హ్యాష్‌మోజీ అంటారు! ఆ ఎమోజీని ట్విట్టర్ అంత సులభంగా ఇవ్వదు. ట్విట్టర్‌లో హ్యాష్‌ట్యాగ్ చివర ఎమోజీ రావాలంటే ఆ సినిమాకు బోలెడంత క్రేజ్ ఉండాలి. దర్శక నిర్మాతలకు ఆ ఎమోజీపై ఆసక్తి ఉండాలి. డబ్బు పెట్టాలి. ‘సాహో’ సినిమాకు ఇవన్నీ కుదిరేశాయ్. అందుకే, ట్విట్టర్ హ్యాష్‌మోజీ పొందిన తొలి తెలుగు చిత్రంగా ‘సాహో’ రికార్డుకెక్కింది. దీంతో మరో రికార్డును తన ఖాతాలో వేసుకున్నారు. Also Read: ట్విట్టర్‌లో ఇకపై ‘సాహో’ అనే హ్యాష్‌ట్యాగ్ టైప్ చేస్తే ఆటోమేటిక్‌గా చివర ఎమోజీ వచ్చేస్తుంది. ఇది కేవలం ఇంగ్లిష్ భాషకే కాదు.. తెలుగు, తమిళంలో అని టైప్ చేసినా వస్తుంది. అలాగే.. #SaahoInCinemas, #WorldSaahoDay అనే హ్యాష్‌ట్యాగ్‌లకు కూడా చివర ఎమోజీ వస్తుంది. ఇంతకీ ఆ ఎమోజీ ఏంటనే కదా మీ డౌటు! ఇంకేంటి మన రెబల్ స్టార్ ప్రభాస్ ఫొటో. అప్పట్లో ప్రభాస్ రౌండ్ గ్లాసెస్ పెట్టుకుని ఒక క్లోజప్ లుక్ విడుదలైంది. ఆ లుక్‌ను ఎమోజీగా మార్చారు. కాగా, ‘సాహో’ సినిమా ఆగస్టు 30న ప్రేక్షకుల ముందుకు వస్తోంది. ఈ చిత్రంలో ప్రభాస్ సరసన బాలీవుడ్ భామ శ్రద్ధా కపూర్ హీరోయిన్‌గా నటించారు. బాలీవుడ్ స్టార్లు నీల్ నితిన్ ముఖేశ్, జాకీ ష్రాఫ్, చుంకి పాండే, మందిరా బేడి, మ‌హేష్ మంజ్రేకర్‌తో పాటు తమిళ నటుడు అరుణ్ విజయ్, మలయాళ నటుడు లాల్ ఈ సినిమాలో కీలక పాత్రలు పోషించారు. సుజీత్ దర్శకత్వం వహించారు. యూవీ క్రియేషన్స్ పతాకంపై వంశీ, ప్రమోద్, విక్రమ్ నిర్మించారు.

from Telugu Movie News | Movie News in Telugu | Movie Gossips in Telugu https://ift.tt/2MzCv1B
v