నిర్మాతలు కోట్లు ఖర్చుపెట్టి సినిమాలు తీస్తుంటే.. సినిమా పూర్తిగా చూడకుండానే రివ్యూలు రాసి మంచి సినిమాలను ప్రేక్షకులకు దూరం చేస్తున్నారంటూ మండి పడ్డారు ‘దొరసాని’ తల్లి . రాజశేఖర్ కూతురు శివాత్మిక నటించిన ‘దొరసాని’ చిత్రం ఇటీవల విడుదలై పాజిటివ్ టాక్తో రన్ అవుతోంది. ఈ చిత్రంతో విజయ్ దేవరకొండ తమ్ముడు ఆనంద్ దేవరకొండ ఇండస్ట్రీకి పరిచయం కాగా.. శివాత్మికకు కూడా ఇదే తొలి చిత్రం కావడం విశేషం. కాగా ఈ చిత్రంపై నెగిటివ్ టాక్ ప్రచారం చేయడంతో ట్రోలింగ్ చేయడంపై జీవిత స్పందిస్తూ.. రివ్యూవర్స్కి చురకలు అంటించారు. జీవిత మాట్లాడుతూ.. ‘నేను, రాజశేఖర్ వచ్చి మాట్లాడుతుంటే నెపోటిజం అని.. ఇండస్ట్రీలో వాళ్ల వాళ్ల పిల్లల్ని తెచ్చుకుంటున్నారని కామెంట్ చేస్తున్నారు. అందులోనూ నేను మాట్లాడితే ముందే రెడీగా ఉంటారు ట్రోలింగ్ చేయడానికి. దయచేసి అందరూ హార్ట్ ఫుల్గా వినండని రిక్వెస్ట్ చేస్తున్నా. ట్రోలింగ్స్ చేయడం.. ముఖ్యంగా యూట్యూబ్ ఛానల్స్ వాళ్లకి చెబుతున్నా ఒకరిగురించి తప్పుడుగా రాయడం మాట్లాడటం ద్వారా ఆ వచ్చిన డబ్బులు నా వరకూ శవాలపై డబ్బులు ఏరుకున్నట్టే. దయచేసి అలా చేయొద్దు. మీకు మీ ఫ్యామిలీస్ ఉంటాయి. మీకు అక్కా చెల్లెలు అమ్మలు ఉంటారు. రివ్యూలు కూడా దారుణంగా రాస్తున్నారు. ఇది వరకూ సినిమా విడుదలైన వారం తరువాత రివ్యూలు వచ్చేవి. సినిమా ఎలా ఉంది? ఆడియన్స్ ఎలా రిసీవ్ చేసుకుంటున్నారు? ఇలాంటి అంశాలను క్షుణ్ణంగా పరిశీలించి వారం తరువాత రివ్యూ ఇచ్చేవారు. ఇప్పుడు సినిమా చూస్తేనే.. సినిమా ఏంటో ఎలా ఉందో తెలియకుండానే.. మూవీ స్టార్ట్ కాగానే.. పదిన్నరకు సినిమా స్టార్ట్ అయ్యింది.. 11కి హీరో ఇలా అన్నాడు.. 12 హీరోయిన్ ఇలా అంటుంది అంటూ నోటికొచ్చినట్టు రివ్యూలు రాసేస్తున్నారు. ఇన్నికోట్లు పెట్టి సినిమా తీస్తున్నప్పుడు మీకు తోచినట్టు రాసేస్తే.. కోట్లు పెట్టి తీసిన నిర్మాతలు ఏమైపోవాలి. ఇలాంటి రివ్యూల వల్ల ఎబౌన్ యావరేజ్ మూవీ చచ్చిపోతుంది. అన్ని సినిమాలు సూపర్ హిట్ అవ్వవు. సినిమాలో నాకు ఒకటి నచ్చితే ఇంకొకరికి ఇంకోటి నచ్చుతుంది. అందరికీ ఒకటే నచ్చాలని లేదు. దయచేసి కొంచెం టైం ఇవ్వండి. ఇలాంటి రివ్యూల వల్ల నచ్చే వాళ్లు కూడా సినిమా చూడలేకపోతున్నారు. దీనికి పరిష్కారం ఏంటంటే.. నేను చెప్పలేను. ఆనంద్ని ట్రోల్ చేసిన వాళ్లు సినిమా చూశాక బాగుందన్నారు. ఈ సినిమా నా కూతురు నటించిందని కాదు.. హార్ట్ ఫుల్గా చెప్తున్నా అది చాలా మంచి చిత్రం. నేను గతంలో సినిమాల్లో లవ్ ఉండకూడదని అన్నట్టు కామెంట్ చేస్తున్నారు. నేను సినిమాల్లో లవ్ ఉండకూడదని అనలేదు. లవ్, రొమాన్స్ ఎలా ఉండాలి. వర్గారిటీ ఉండకూడదు.. అసహ్యంగా ఉండకూడదు అని క్లాస్ రూంలో సెక్స్ చేసుకుంటున్నట్టు చూపించకూడదని చెప్పా. లవ్ అనేది ప్యూర్.. ఆ ప్యూరిటీ ఏంటనేది దొరసానిలో కనిపించింది. నాకు చాలా నచ్చింది. ఇదొక లెసన్ లాంటిది. పిల్లలకు, పేరెంట్స్కి కూడా బుక్ లాంటిది. పిల్లల్ని ఎంతో ప్రేమిస్తాము. కాని వాళ్లు లవ్ అంటే బాబోయ్ అనేస్తాము. నిజ జీవితంలో లవ్లో ప్యూర్ ఉంటే అందరి తల్లిదండ్రులు ఆహ్వానించాలి. ఈ సినిమాని లెసన్లా భావించాను. ప్రేమించారని మన పిల్లల్ని మనం చంపుకోవడం కరెక్ట్ కాదు. అలాగే తల్లిదండ్రుల గురించి పిల్లలు ఆలోచించాలి. ఇలాంటి సినిమాతో నా కూతురు శివాత్మిక ఇండస్ట్రీకి పరిచయం అవడం చాలా ఆనందంగా ఉంది’ అంటూ చెప్పుకొచ్చారు జీవితా రాజశేఖర్.
from Telugu Movie News | Movie News in Telugu | Movie Gossips in Telugu https://ift.tt/2lLODQV
v
No comments:
Post a Comment