‘నా పేరు శివమణి.. నాకొంచెం మెంటల్’.. ఈ డైలాగ్ని బట్టి చెప్పేయొచ్చు దర్శకుడికి ఎంత తిక్క ఉందోనని చెప్పడానికి. కాని ఆ తిక్కలోనే ఉంటుంది అసలు మజా. ఇడియట్.. లోఫర్.. రోగ్.. పోకిరి.. దేశముదురు.. ఈ సినిమా టైటిళ్లేంట్రా బాబూ.. బూతుల్లా ఉన్నాయ్ అంటున్నా.. ‘నేనింతే’ అంటూ పంథా మార్చుకోకుండా తాను ఎంచుకున్న డేరింగ్ రూట్లోనే ప్రయాణిస్తూ వస్తే హిట్టూ.. లేదంటే ఫ్లాప్ సో వాట్. నిర్మాతలు వస్తే సినిమా తీస్తే.. లేదంటే సొంతంగా నా బ్యానర్లో సినిమాలు తీస్తా అంటూ డేరింగ్ దర్శకుడిగా పేరు సంపాదించిన పూరీ జగన్నాథ్ తాజాగా రామ్తో ‘ఇస్మార్ట్ శంకర్’ మూవీని తెరకెక్కించారు. ‘ఇస్మార్ట్ శంకర్’ సినిమాను పూరి జగన్నాథ్ టూరింగ్ టాకీస్, పూరి కనెక్ట్స్ బ్యానర్లపై పూరి జగన్నాథ్, ఛార్మి సంయుక్తంగా నిర్మించారు. నిధి అగర్వాల్, నభా నటేశ్ హీరోయిన్లుగా నటించిన ఈ చిత్రం భారీ అంచనాల నడుమ రేపు (జూలై 18) విడుదల కానుంది. ఇక రిలీజ్లో భాగంగా మంగళవారం నాడు సెన్సార్ కార్యక్రమాలను పూర్తి చేసుకున్న బూతు చిత్రాలకు ఇచ్చే.. ‘A’ సర్టిఫికేట్ను అందుకుంది. ఇందులో డైబుల్ మీనింగ్ డైలాగ్లతో పాటు.. బూతులు, అశ్లీలత, హింస ఎక్కువగా ఉండటంతో సెన్సార్ సభ్యులు ‘ఇస్మార్ట్ శంకర్’ పెద్దలకు మాత్రమే అని ‘A’ సర్టిఫికేట్ ఇచ్చారు. ఇక తమ చిత్రానికి ‘A’ సర్టిఫికేట్ రావడంతో ఫుల్ ఖుషీలో ఉన్నారు దర్శకుడు పూరీ జగన్నాథ్, నిర్మాత చార్మి, హీరో రామ్. తమ చిత్రానికి ‘A’ సర్టిఫికేట్ వచ్చిందహో.. అని ఏదో బ్లాక్ బస్టర్ హిట్ కొట్టినంత రేంజ్లో ప్రమోట్ చేసుకుంటూ సోషల్ మీడియాలో ఈ ‘A’ సర్టిఫికేట్ సినిమాను ప్రమోట్ చేయగా.. నిర్మాత చార్మి మరో అడుగు ముందుకు వేసి.. ‘ ఇస్మార్ట్ శంకర్.. ‘A’ సర్టిఫికేట్తో నా చేతుల్లోకి వచ్చేసింది.. రేపు థియేటర్స్కి వచ్చేస్తున్నాడు ఇస్మార్ట్ శంకర్ రెడీగా ఉండండి’ అంటూ సెన్సార్ బోర్డ్ ఇచ్చిన సర్టిఫికేట్ను ఫేస్ బుక్లో షేర్ చేసింది చార్మి. ఇంతిలా పూరీ, చార్మీలు ‘A’ సర్టిఫికేట్ను ఎంజాయ్ చేయడానికి కారణం లేకపోలేదు.. పూరీ కెరియర్లో బ్లాక్ బస్టర్ హిట్ చిత్రాలుగా నిలిచిన ‘పోకిరి’, ‘దేశముదురు’, ‘బిజినెస్ మేన్’ తదితరు చిత్రాలకు ‘A’ సర్టిఫికేట్ వచ్చింది. ఇప్పుడు ‘ఇస్మార్ట్ శంకర్’కి కూడా ‘A’ సర్టిఫికేట్ రావడంతో ఫుల్ ఖుషీలో ఉన్నారు ఈ దర్శక నిర్మాతలు.
from Telugu Movie News | Movie News in Telugu | Movie Gossips in Telugu https://ift.tt/2xP3Kf5
v
No comments:
Post a Comment