అక్కినేని నాగార్జున హోస్ట్ చేస్తోన్న ‘బిగ్ బాస్ 3’ రియాలిటీ షోలో మొత్తం 15 మంది సెలబ్రిటీలు కంటెస్టెంట్లుగా ఉన్నారు. వీరంతా హౌజ్లోకి వెళ్లి ఒక్క రోజు గడిచిందో లేదో అప్పుడే రచ్చ మొదలుపెట్టేశారు. హౌజ్లో ఎంత మంది ఉన్నా చాలా మంది దృష్టి మాత్రం యాంకర్, నటి శ్రీముఖిపైనే ఉంది. ఆమె ఎలా ఆడుతుంది, మిగిలిన హౌజ్మేట్స్ను ఎలా ఎదుర్కుంటుందని అభిమానులు ఆసక్తిగా చూస్తున్నారు. వాస్తవానికి, సోషల్ మీడియాలో చాలా యాక్టివ్గా ఉంటుంది. యాంకర్గా బిజీగా ఉంటూనే ఎప్పటికప్పుడు ట్విట్టర్లో తన ఫొటోలు పెడుతూ ఉండేది. ట్విట్టర్లో ఆమెకు ఒక మిలియన్కు పైగా ఫాలోవర్లు ఉన్నారు. శ్రీముఖి ‘బిగ్ బాస్’ హౌజ్లోకి అడుగుపెట్టగానే ఇక ట్విట్టర్ అప్డేట్స్ ఆగిపోతాయని ఆమె అభిమానులు అనుకున్నారు. ఎందుకంటే, హౌజ్లోని ఫోన్లు లాంటి ఎలక్ట్రానిక్ గ్యాడ్జెట్లను అనుమతించరు కదా. కానీ, శ్రీముఖి హౌజ్లోకి వెళ్లినా ఆమె ట్విట్టర్ అప్డేట్స్ మాత్రం ఆగడంలేదు. హౌజ్లో ఆమె యాక్టివిటీలతో కూడిన ఫొటోలతో ఎప్పటికప్పుడు ట్వీట్లు చేస్తున్నారు. అంటే, శ్రీముఖి అకౌంట్ను మరొకరితో ఆపరేట్ చేయిస్తున్నారు. తాను బయట లేకపోయినా తన అభిమానులకు మాత్రం తన అప్డేట్స్ తెలియాలని శ్రీముఖి ఇలా సెట్ చేశారు. ఈనెల 22 నుంచి శ్రీముఖి ట్విట్టర్ అకౌంట్లో బిగ్ బాస్ అప్డేట్స్ దర్శనమిస్తున్నాయి. #TeamSreemukhi అనే హ్యాష్ ట్యాగ్ను కూడా ట్విట్టర్లో ట్రెండ్ చేస్తున్నారు. అంటే, ప్రస్తుతం బిగ్ బాస్ హౌజ్లో ఉన్న వాళ్లలో శ్రీముఖిని సోషల్ మీడియా ద్వారా బాగా హైలైట్ చేస్తున్నారన్నమాట!! మంచి ప్లానే వేశారు. గత సీజన్లో ఇలానే కౌశల్ సోషల్ మీడియా ద్వారా హీరో అయిపోయారు. అదే విధంగా ఇప్పుడు శ్రీముఖిని హీరోను చేయాలని ట్రై చేస్తున్నారు. శ్రీముఖిని ఎలిమినేట్ చేస్తే బిగ్ బాస్ హౌజ్ను తగలెట్టేస్తాం అంటూ ఇప్పటికే సోషల్ మీడియాలో వార్నింగ్లు మొదలైపోయాయి. ఎన్ని వివాదాలు వచ్చినా అవన్నీ ఈ రియాలిటీ షోకు ప్లస్లే అవుతాయిలే..!! చూద్దాం శ్రీముఖి రచ్చ ఏ రేంజ్లో ఉంటుందో!
from Telugu Movie News | Movie News in Telugu | Movie Gossips in Telugu https://ift.tt/2GohO3S
v
No comments:
Post a Comment