తెలంగాణ ప్రభుత్వం ప్రతిష్టాత్మకంగా చేపట్టిన కాళేశ్వరం లిఫ్ట్ ఇరిగేషన్ ప్రాజెక్ట్ను శుక్రవారం ప్రారంభించిన సంగతి తెలిసిందే. ముఖ్యమంత్రి కె.చంద్రశేఖర్ రావు స్వయంగా ప్రారంభించి జాతికి అంకితం చేశారు. ఈ ప్రారంభోత్సవ కార్యక్రమంలో తెలుగు రాష్ట్రాల ఉమ్మడి గవర్నర్ ఈఎస్ఎల్ నరసింహన్, ఏపీ ముఖ్యమంత్రి వై.యస్.జగన్మోహన్ రెడ్డి, మహారాష్ట్ర సీఎం దేవేంద్ర ఫడ్నవీస్ అతిథులుగా పాల్గొన్నారు. ప్రపంచంలోనే అతిపెద్ద ఇరిగేషన్ ప్రాజెక్ట్ను తెలంగాణ ప్రభుత్వం చేపట్టడమే కాకుండా దాన్ని విజయవంతంగా ప్రారంభించడంపై సర్వత్రా హర్షం వ్యక్తమవుతోంది. ఇదొక ఇంజినీరింగ్ అద్భుతమంటూ ప్రశంసిస్తున్నారు. టాలీవుడ్కు చెందిన ప్రముఖులు కూడా కేసీఆర్ ప్రభుత్వాన్ని కొనియాడుతున్నారు. ముఖ్యంగా తెలంగాణ సీఎంను, కేటీఆర్ను పొగుడుతూ కింగ్ అక్కినేని నాగార్జున, మాస్ మహారాజా రవితేజ ట్వీట్లు చేశారు. అయితే ఈ ట్వీట్లలో తెలంగాణ సీఎంఓ, కేటీఆర్ను వీళ్లు ట్యాగ్ చేశారు. కానీ, హరీష్రావును మరిచారు. ఇప్పుడు ఇదే హరీష్రావు అభిమానులకు ఆగ్రహం తెప్పిస్తోంది. చేపట్టడానికి, అది పూర్తికావడానికి మూలపురుషుడు హరీష్రావని అలాంటిది ఆయన గురించి కనీసం ప్రస్తావించకుండా కేటీఆర్ను, కేసీఆర్ను పొగడటమేంటని ట్విట్టర్లో ఏకిపారేస్తున్నారు. స్వలాభం కోసం భజన కార్యక్రమాలు మాని నిజాలు తెలుసుకోండంటూ సూచిస్తున్నారు. ఇప్పటికే హరీశ్రావును కేసీఆర్ పక్కనపెడుతున్నారనే అంశంపై విపరీతంగా చర్చ జరుగుతోంది. ఈ నేపథ్యంలో ఆయన కాళేశ్వరం ప్రాజెక్ట్ ప్రారంభోత్సవానికి హాజరుకాకపోవడం ఈ చర్చకు మరింత ఊతమిచ్చినట్టయింది. ప్రస్తుతం సోషల్ మీడియాలో దీనిపైనే చర్చ. ఇలాంటి సమయంలో రవితేజ, నాగార్జున చేసిన ట్వీట్లు మరింత కాకరేపుతున్నాయి. ఎవరు అధికారంలో ఉంటే వారి భజన చేయడం సినిమా వాళ్లకి బాగా అలవాటైపోయిందని ఆగ్రహం వ్యక్తం చేస్తున్నారు.
from Telugu Movie News | Movie News in Telugu | Movie Gossips in Telugu http://bit.ly/31PLUGv
v
No comments:
Post a Comment