టాలీవుడ్లో సెంటిమెంట్స్కి కాస్త చోటు ఎక్కువే. వాటి పరిణామాలు కూడా అలానే ఉంటాయి. అందుకే కోట్లు ఖర్చు చేసి సినిమాలు తీసే ప్రొడ్యూసర్స్ నుండి అందరూ వాటిని బాగా నమ్ముతారు. అలా టాలీవుడ్కి సెంటిమెంట్గా మారిన డేట్ మే 9. మంటెత్తిపోయే ఈ సమ్మర్ టైమ్లో వచ్చిన చాలా సినిమాలు ప్రేక్షకులకు మంచి అనుభూతి కలిగించి భారీ బ్లాక్ బస్టర్స్గా నిలవడం అనేది ఈ డేట్ స్పెషాలిటీ. ఈ తేదీకి విడుదల అయిన చాలా సినిమాలు ఇండస్ట్రీ హిట్స్గా నిలిచాయి. ‘జగదేక వీరుడు అతిలోక సుందరి’.. ఈ సినిమా గురించి తెలియని తెలుగు ప్రేక్షకుడు ఉన్నాడు అంటే మాత్రం అది అతిశయోక్తి అవుతుంది. అలాంటి ఈ ఎవర్ గ్రీన్ సినిమా పేక్షకుల ముందుకు వచ్చింది ఈ రోజునే. ఆ సినిమా గురించి 30 ఏళ్ళ తరువాత కూడా మాట్లాడుకుంటున్నారు అంటే అది ఎలాంటి విజయం సాధించింది అనేది అర్థం చేసుకోవచ్చు. ఇక మెగాస్టార్ కెరీర్లో మరొక బ్లాక్ బస్టర్ ‘గ్యాంగ్ లీడర్’ ఆ మరుసటి ఏడాది అదే రోజు రిలీజ్ అయ్యి చిరంజీవి ఇమేజ్ని వేరే స్థాయికి తీసుకెళ్లింది. Also Read: విక్టరీ వెంకటేష్ నటించిన ‘ప్రేమించుకుందాం రా!’ కూడా మే 9న విడుదలైన మరొక ఇండస్ట్రీ హిట్. ఈ సినిమా అప్పటి వరకు వెంకటేష్ కెరీర్లోనే బిగ్గెస్ట్ హిట్. ‘జగదేక వీరుడు అతిలోక సుందరి’ సినిమాతో ఈ మే 9 సెంటిమెంట్కి శ్రీకారం చుట్టిన వైజయంతీ మూవీస్.. కష్టాలను తీర్చి, సంస్థకు పూర్వ వైభవం తీసుకొచ్చిన ‘మహానటి’ని కూడా రెండేళ్ల క్రితం మే 9న విడుదల చేసింది. వైజయంతీ సంస్థ ద్వారానే హీరోగా పరిచయమైన మహేష్ బాబు రీసెంట్గా ఆ బ్యానర్లో నటించిన సినిమా ‘మహర్షి’. ఆ సినిమా కూడా రిలీజ్కి ముందు అనేక వాయిదాలు పడి గత సంవత్సరం మే 9న విడుదలైంది. టాక్ ఎలా ఉన్నా ‘మహర్షి’ సినిమా మాత్రం మహేష్ బాబు కెరీర్లోనే హయ్యెస్ట్ గ్రాసర్గా నిలిచింది. ఆ సినిమా విజయంతో మహేష్ బాబు టాప్ రేస్లో మరింత ముందుకు దూసుకెళ్లారు. ఇలా మే 9 తెలుగు చలనచిత్ర పరిశ్రమకు మంచి హిట్స్ అందించే తేదీగా ఫిక్స్ అయిపోయింది. ఇక వైజయంతీ మూవీస్ సంస్థకు అయితే ఆ తేదీ మరింత ప్రత్యేకం.
from Telugu Movie News | Movie News in Telugu | Movie Gossips in Telugu https://ift.tt/2YNgPUX
v
No comments:
Post a Comment