మీకు సినిమాలంటే పిచ్చా? మీకు సినిమా స్టోరీలు చెప్పే అలవాటు ఉందా? మీలో ఒక కథకుడు దాడి ఉన్నాడా? అయితే ఆలస్యం చేయకండి. వెంటనే కథ రాసి వాట్సాప్ నంబర్కు పంపితే రూ. 10 లక్షల విలువ చేసే ఓపెన్ ప్లాట్ మీ సొంతం కావచ్చు. కాకపోతే, మీరు రాసి పంపిన కథ ప్రస్తుతం తెరకెక్కుతోన్న సినిమా కథను పోలి ఉండాలి. అప్పుడే.. మీరు ఈ ప్లాట్ను గెలుచుకునే అవకాశాన్ని పొందుతారు. ఇంతకీ ఏంటా సినిమా.. ఏ వాట్సాప్ నంబర్కు కథ పంపాలి అనే కదా మీ అనుమానం. అక్కడికే వస్తున్నా..! చంద్రుడు క్రియేషన్స్ సమర్పణలో శ్రీలక్ష్మీ ప్రొడక్షన్స్ పతాకంపై ‘’ అనే సినిమా రూపొందుతోంది. శ్రీరంగం శేషశ్రీ దర్శకత్వం వహిస్తున్నారు. ఆయనే నిర్మాతగా వ్యవహరిస్తున్నారు. హరీష్, వినోద్, కార్తీక్, వెంకట చరణ్ హీరోలుగా నటిస్తున్నారు. గీత్ షా, సంజన, లాస్యశ్రీ హీరోయిన్లు. తణికెళ్ల భరణి, పోసాని, ఎల్బీ శ్రీరామ్, జయప్రకాష్ రెడ్డి కీలక పాత్రలు పోషిస్తున్నారు. అర్జున్ సంగీతం సమకూరుస్తుండగా తోటపల్లి సాయినాథ్ డైలాగ్స్ అందిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇదిలా ఉంటే, వాలంటైన్స్ డే సందర్భంగా ‘పంక్చర్’ చిత్ర యూనిట్ శుక్రవారం హైదరాబాద్ మీడియా సమావేశం ఏర్పాటుచేసింది. ఈ సమావేశంలో స్టోరీ కాంటెస్ట్ గురించి చిత్ర యూనిట్ వెల్లడించింది. ‘పంక్చర్’ సినిమా టైటిల్ని బట్టి కథ ఎలా ఉంటుందో ఊహించి రాసిన వారికి భారీ బహుమతిని ప్రకటించింది. కథ రాసి 9121594273 నెంబర్కు వాట్సాప్ చేయాలని.. సినిమా స్టోరీని పోలి ఉన్న కథలను రాసిన వారిని లక్కీ డ్రా తీసి విజేతగా ఎంపిక చేస్తామని దర్శక నిర్మాత శ్రీరంగం శేషశ్రీ చెప్పారు. విజేతకి పది లక్షల రూపాయలు విలువ చేసే ఓపెన్ ప్లాట్ గిఫ్ట్గా ఇస్తామని ఆయన ప్రకటించారు.
from Telugu Movie News | Movie News in Telugu | Movie Gossips in Telugu https://ift.tt/39Kxvij
v
No comments:
Post a Comment